Guovdageainnu Sámiid Searvvi stivra lea maŋidan plánejuvvon jahkečoahkkima ja gohčču dasto maŋiduvvon jahkečoahkkimii gaskavahkku miessemánu 14. beaivvi 2008 diibmu 18.00 Kulturviesus, muitala searvvi jođiheaddji Marit Meløy Utsi.
Loga eanet
14.04.2008 |
Oslo Sámiid Searvvi jahkečoahkkimis, mii gieskat lágiduvvui, mearriduvvui earret eará jahkečoahkkincealkámuš sámi mánáidgárdefálaldaga birra Oslos ja lagaš guovlluin. Sámesearvvi jahkečoahkkima mielas ii leat dohkálaš deavdit sámi mánáidgárddi dáččamánáiguin.
Loga eanet
13.04.2008 |
Sámedikki doarjjastivra lea doallan čoahkkima Deanus cuoŋománu 02.-03. b. Ealáhusdoaimmaide juolluduvvui buohkanassii 1 780 000 ruvdnosaš doarjja. Nu muitala doarjjastivrra jođiheaddji, Ann-Mari Thomassen Norgga Sámiid riikkasearvvis, preassadieđáhusas.
Loga eanet
11.04.2008 |
Sámi giellaláhka lea šaddamin oađđiláhkan, go ii oktage oru váldimin dan duođas. Dál leat buohkat ožžon dán jagáš vearrodieđáhusa poasttas. Vearroeiseválddit ávžžuhit buohkaid dahkat rievdadusaid neahta bokte, muhto dan lea dušše fal vejolaš dahkat dárogillii. Lága mielde dan galggašii leat vejolaš dahkat sámegillii maiddái. Ii Sámediggi ge oru váldimin ášši duođalažžan.
Loga eanet
10.04.2008 |
Norgga Sámiid Riikkasearvi (NSR) háliida ahte odda minerálaláhka doahttala álbmotrievtti. Lágas ferte mearriduvvot eamiálbmotbuhtadus maid Sámediggi galgá oažžut go minerálafitnodagat vižžet minerálaid sámi guovlluin. Nu cállá NSR jodiheaddji dán lohkkiidcállosis.
Loga eanet
10.04.2008 |
Sámedikki doarjjastivra lea čoahkkimis Deanus 02.-03.04 dán jagi juolludan 255.000,- ruvnnu prográmmadoarjjan Riddu Riđđu festiválii. Dainna lea NSR sámediggeáirras Tor Mikalsen duhtavaš.
Loga eanet
09.04.2008 |
Norgga Sámiid Riikkasearvvi (NSR) prográmmalávdegoddi lea bargan jahkebeali válgaprográmma evttohusain ja riikkastivra lea geahčadan evttohusa ja muhtten dan. Dál lea riikkačoahkkináirasiid duohken buktit maŋemus muhttašumiid.
Loga eanet
08.04.2008 |
Sáččá ja biras sámiid searvi lea ođđasit válljen Lennart Nordhus jođiheaddjin. Jahkečoahkkimis njukčamánu 28. beaivvi 2008 muitaluvvui sihke 20-jagi ávvudeami, sámi girkobasiid ja ollu bargguid birra Sámi Viesus Sáččás.
Loga eanet
05.04.2008 |
Norgga Sámiid Riikkasearvi (NSR) riikkastivra ja Sámi Álbmotbellodaga (SÁB) riikkastivrrat deaivvadedje mannan vahkkoloahpa ja háleštedje galggašedje go ráhkadit oktasaš strategiijaid boahtte sámediggeválgga.
Loga eanet
03.04.2008 |
Oslo sámiid searvi lea ovttajienalaččat válljen Kari S. Lifjell ođđa jođiheaddjin. Laila Nystad lea nubbejođiheaddji ja stivralahtut leat Aila Marge Varsi Balto, Hilde Homestrand ja Ylva M N Marrable.
Loga eanet
02.04.2008 |
Jahkečoahkkin válljii Janne Hansen jođiheaddjin Gáivuona sámesearvvis. Stivralahtut leat Sara Lervoll, Henrik Olsen, Håkon Eriksen ja Tor Mikalsen. Hansen lea maid riikkastivrra sadjásaš lahttu ja mielde NSR prográmmalávdegottis mii lea čállimin NSR válgaprográmma, nu go son maiddái lei mannan válggain.
Loga eanet
01.04.2008 |
Romssa sámiid searvi lea válljen Martin Urheim ođđa jođiheaddjin. - Dál mii ráhkkanišgoahtit sámediggeválggaide ja mun duođaid illudan bargagoahtit válggain, cealká Martin Urheim.
Loga eanet
31.03.2008 |
Romssa Sámiid Searvi lágida jahkečoahkkim berajadaga njukčamánu 28. beaivvi. Jahkečoahkkin galgá earret eará válljet ođđa jođiheaddji danne go dálá jođiheaddjis Anita Lervollas dadibahabut ii leat vejolašvuohta joatkit. Jahkečoahkkin lea Guovssahas sámi mánáidgárddis diibmu. 20:00 – 21:00.
Loga eanet
30.03.2008 |
Norgga Sámiid Riikkasearvi (NSR) čoahkkana Áltái dan vahkkoloahpa. Jođiheaddji Silje Karine Muotka muitala ahte riikkastivra áigu doallat oktasaš čoahkkima Sámi álbmotbellodaga riikkastivrrain ja háleštit vejolaš ovttasbarggu birra.
Loga eanet
29.03.2008 |
Boahtte sámediggeválggaid rájes galgá Norga juhkkojuvvot čieža stuorra válgabiiriide. Dálá Várjjat ja Deanu válgabiiriid časket de oktii ja dat šaddá okta stuorra válgabiiren. Dát ođđa válgabiire gokčá stuorra osiid Nuorta-Finnmárkkus ja dasa gullet čuovvovaš gielddat: Mátta-Várjjat, Unjárga, Čáhcesuolu, Várggát, Báhcavuotna, Deatnu, Bearalváhki, Davvesiida ja Gáŋgaviika.
Loga eanet
27.03.2008 |
Sámedikki deháleamos mihttomearri lea earret eará oččodit stuorát sámi iešmearrideami. Maŋimuš áiggiid leat almmolaččat viššalit digaštallan dán fáttá. Dat lea buorre, danin go dat sáhttá leat veahkkin midjiide konkretiseret ja čađahit sámi iešmearrideami. Nu čállá NSR parlamentáralaš jođiheaddji, Aili Keskitalo, lohkkiidčállosis.
Loga eanet
26.03.2008 |
Maiddái dán jagi lei divadageahpideapmi guovddáš fáddán boazodoalošiehtadallamiin. Gieskat bázii dát ášši čoavdáskeahttá go bealit ledje soahpan. Dát mielddisbuktá ahte dán ášši ferte eará láhkai čoavdit. Nu čállá NSR parlamentáralaš nubbinjođiheaddji, Randi A. Skum, lohkkiidčállosis.
Loga eanet
14.03.2008 |
Lea guhkká áddjánan nammadit Finnmárkkukommišuvnna. Bealgoalmmát jagi maŋŋá lea Ráđđehus odne viimmat nammadan vihtta lahtuid kommišuvdnii mii galgá čielggadit dálá vuoigatvuođaid Finnmárkkus. Ole Heandarat Magga lea sin searvves.
Loga eanet
14.03.2008 |
Norgga Sámiid Riikkasearvvi (NSR) sámediggeáirras, Klemet Erland Hætta, oaivvilda Luondduhálddašan Direktoráhta evttohusat ođđa mohtorjohtolatláhkii suhttada ja hárdá.
Loga eanet
12.03.2008 |
Ráddehus ja Finnmárkku BB leat soahpan ahte ii galgga leat eamiálbmotbuhtadus, baicce lasihuvvon eanaeaiggát divat maid FeFo hálddaša. Dat lea juo cilgejuvvon Finnmárkkulágas. Nu go dábálaccat, de sii geahccalit váldit gutni dán áššis. Nu cállá Norgga Sámiid Riikkasearvvi jodiheaddji Silje Muotka lohkkiidcállosis.
Loga eanet
11.03.2008 |
Fasttes vuogi mielde lea Elin Henriksen ja su bearaš Mátta-Várjjagis fallehuvvon iežaset sámi duogáža ja servodatberoštumi geažil. Dás sáhtat lohkat maid NSR parlamentáralaš jođiheaddji Aili Keskitalo čállá ášši birra lohkkiidreivves.
Loga eanet
11.03.2008 |
Norgga Sámiid Riikkasearvi oaivvilda ahte duohta šiehtadallamat gaskal Sámedikki ja Ráđđehusa Sámedikki bušeahta ektui fertejit boahtit johtui. Dát lea dárbbašlaš jus Sámedikkis galggaš leat iehčanas doaibma riikka ráđđejeaddji eiseválddiid ektui. Odne lea stáhta gii bidjá premissaid ja mearrida Sámedikki barggu rámmaeavttuid.
Loga eanet
10.03.2008 |
NSR lea behtohallan go Ráđđehus goit ii oru áigumin evttohit sierra eamiálbmotdivvaga ođđa minerálalágas. Sihke dát ja biehttalanriekti leamašan Sámedikki deháleamos gáibádusat konsultašuvnnain Ráđđehusain. Maŋimuš jahkebealle eai leat goit leamašan šat konsultašuvnnat. Dál NSR gáibida ahte konsultašuvnnat jotkojuvvojit farggamusat!
Loga eanet
09.03.2008 |
Riikkaidgaskasaš nissonbeaivvi mii galgat váldit áiggi geahčadit man guhkkás mii leat ollen dásseárvvu ektui. Lea čađat dárbu čalmmustahttit hástalusaid mat leat dán suorggis. Ii oktage eahpit ahte geaidnu ain lea guhki ja moalkái. Guottuid ja fápmostruktuvrraid rievdadeapmi lea áddjás bargu, nu maiddái Sámis, čállá Aili Keskitalo dán lohkkiidčállosis.
Loga eanet
08.03.2008 |
Norgga Sámiid Riikkasearvi (NSR) sámediggejoavku evttoha ahte sámi njunuš nissona Elsa Laula Renberga riegádanbeaivi šattašii almmolaš leavgabeaivin olles Sámis – sihke Norggas, Ruoššas, Ruoŧas ja Suomas. Ihttin ávvuduvvo riikkaidgaskasaš nissonbeaivi.
Loga eanet
07.03.2008 |
Dálkkádatrievdamat čuhcet erenoamážit eamiálbmogiidda geat árbevirolaččat leat čatnon luonddugeavaheapmái. Danin fertet maiddái sámepolitihkas ságastallat riikkaidgaskasaš biraspolitihka birra, čállá NSR sámediggeáirras Tor Mikalsen lohkkiidčállosis.
Loga eanet
07.03.2008 |
Sámedikki nuoraidpolitihkalaš lávdegoddi (SNPL) lea fuolastuvvan go Oslo-guovllu sámemánáid sámegiella goariduvvo dainnago mánát sámi gullevašvuođa haga biddjojuvvojit Cizáža sámi mánáidgárdái.
Loga eanet
06.03.2008 |
NSR sámediggejoavku áŋgiruššá farggamusat čielggadit boazodoalu siskkáldas riektedili. – Eahpečielga dilli hehtte dál ealáhusbarggu sihke Finnmárkkus ja muđui riikkas. Danin ferte boazodolliid siskkáldas geavahanvuoigatvuođaid farggamusat čielggadit, cealká sámediggeáirras Randi A. Skum.
Loga eanet
05.03.2008 |
Deanus ja Várjjagis leat dál ráhkkaneamen 2009 sámediggeválgii. Boahtte Sámedikki válgga hástalusat leat ge fáddán Deatnogátte Sámiid Searvvi (DGSS) jahkečoahkkimis bearjadaga njukčamanu 7.b. dii. 17:00-18:30 Fanasgiettis Deatnogátti Sámiid Searvvi dálus. Čoahkkima maŋŋá leat feastamállásat.
Loga eanet
03.03.2008 |
Norgga Sámiid Riikkasearvvi (NSR) sámediggejoavku sávvá Rune Sverre Fjellheimii lihku ođđa sámediggedirektevra virggiin. Fjellheim válljejuvvui odne ovttajienalaččat sámediggedirektevran Sámedikki dievasčoahkkimis.
Loga eanet
29.02.2008 |
- Mun lean ovttaoaivilis NSRa Ole Heandarat Maggain, ja šállošan go ain odne vikkahit ahte eambbo iešmearrideapmi mearkkaša sierra stáhta. Galgá leat áibbas čielggas – NSR ii beroš dan áššis, celkkii sámediggeáirras Ann-Mari Thomassen Sámedikki sárdnestuolus.
Loga eanet
29.02.2008 |
Sámediggi ferte bargat dan ala ahte dohkkehuvvo čeahpes birasgáhttejeaddjin, nu gohčoduvvon ”miljøfyrtårn”. Dan evttoha Norgga Sámiid Riikkasearvvi (NSR) sámediggejoavku. Odne digaštalai Sámediggi iežaset biras- ja areálapolitihka.
Loga eanet
29.02.2008 |
Ovdalaš juovllaid bohte mapuche indiánat Chiles Norgii bivdindihtti veahki Norggas. Sii háliidit bissehit daid stuorra dulvadanplánaid mat SN Power fitnodagas leat. Dán fitnodaga eaiggát lea norgga stáhta. Indiánat dáhtto Sámedikkis veahki.
Loga eanet
28.02.2008 |
NSR sámediggeáirras Susanne Amalie Andersen lea vuorjašuvvan og ballá ahte jus ođđa váldogirdistašuvdna biddju Harstad-Narviikkii, de dat sáhttá bilidit árbevirolaš márkosámi ássama guovllus. Dál son lea lokten ášši Sámedikkis.
Loga eanet
28.02.2008 |
Norgga Sámiid Riikkasearvvis (NSR) lea álo leamašan mihttomearrin ahte Sámediggi galgá váldit badjelassas sámi joatkkaskuvllaid hálddašeami. Dát lea erenoamážit dehálaš iešmearrideami olis. Otná mearrádus Sámedikkis mielddisbuktá ahte mii dál leat joavdan lagabui dán mihttomeari.
Loga eanet
28.02.2008 |
Norgga Sámiid Riikkasearvvi (NSR) sámediggejoavku lea behtohallan go Ráđđehus goitge ii dáhto ásahit stuorát regiovnnaid. Dát mielddisbuktá ahte fylkkarájit davvin bissot nu mo odne.
Loga eanet
27.02.2008 |
Sámediggeáirras Tor Mikalsen (NSR) oaivvilda ahte Sámediggeráđđi badjelgeahččá Sámedikki dievasčoahkkima mearrádusa gonagasreabbádieđáhusa áššis. Dát ii leat man ge láhkai dohkálaš oaivvilda Mikalsen.
Loga eanet
27.02.2008 |
Bargiidbellodaga Sámediggeráđđi lea doaibman fargga jahkebealle, eai ge leat vel nákcen čájehit makkár sámepolitihkalaš višuvnnat sis leat. Dáidá dat leat sivvan dasa ahte sin barggus eai ge leat politihkalaš bohtosat. Nu cealká NSR doaibmi parlamentáralaš jođiheaddji, Randi A. Skum.
Loga eanet
27.02.2008 |
Norgga Sámiid Riikkasearvvi sámediggeáirras Kirsti Guvsám lea vuorjašuvvan Oslo guovllu sámi mánáidgárdefálaldaga ektui. Dál son lokte ášši Sámedikki dievasčoahkkimis mii dáid beivviid lágiduvvo Kárášjogas.
Loga eanet
26.02.2008 |
Norgga Sámiid Riikkasearvvi sámediggeáirras Gunn-Britt Retter gáibida ahte fárggamusat ráhkaduvvo ollislaš plana bieggafápmohuksemiidda. Dál son lokte ášši Sámediggái.
Loga eanet
26.02.2008 |