Jahkečoahkkin muittuha ahte sámi mánáidgárdi Oslos lea áidna sámi mánáidgárdefálaldat olles Lulli-Norggas. Sámi mánát Oslo ránnjásuohkaniin eai beasa ohcat mánáidgárdesaji Oslo suohkani vaikko sámi mánáidgárddis leat guoros sajit. Sámi mánáidgárddi ferte deavdit dáččamánáiguin. Mánát geat dál leat sámi mánáidgárddis, muhto orrot Oslo suohkana ránnjásuohkaniin, masset mánáidgárdesaji.
Nannet sámi identitehta
Mánáidgárddi ulbmil lea ahte sámi mánát geat orrot eará sajiin go sámi guovddášbáikkiin galget seailluhit giela ja ovdánit gielalaččat ja kultuvrralaččat. Oslo sámi mánáidgárdi nanne mánáid identitehta ja addá sidjiide gullevašvuođa sámi birrasii, servodahkii ja eallinvuohkái. Sámi mánáidgárdi oktiiheiveha sámi eallima ja gávpoteallima, cealká jahkečoahkkin.
Eai dáhto dáččamánáid
Sámesearvvi jahkečoahkkima mielas ii leat dohkálaš deavdit sámi mánáidgárddi dáččamánáiguin. Sámesearvi čujuha buot suohkaniid ovddasvástádussii láhčit dili vai sámi mánát besset seailluhit sámegiela ja ovdánit gielalaččat. Sámesearvvi mielas berrejit sámi mánát geat orrot Oslo ránnjágielddain beassat sámi mánáidgárdái Oslos.
Oslo suohkan ferte váldit ovddasvástádusa
Oslo suohkanis lea ovddasvástádus sámi mánáid gielalaš ja kultuvrralaš ovdáneami fuolahit, ja sámesearvvis lea vuordámuš ahte Oslo suohkan čájeha ahte váldá ovddasvástádusa duođas, cealká vel jahkečoahkkin loahpas.
Gulahallan:
Jođiheaddji Kari S. Lifjell, mobil 97743961
Nubbejođiheaddji Laila Nystad, mobil 99512217
Stivralahttu Áila Márge Varsi Balto, mobil 99409096
Stivralahttu Hilde Holmestrand, mobil 95293450
Stivralhttu Ylva M N Marrable, mobil 47089904
Denne artikkelen på norsk
Kommenter denne artikkelen
Tips en venn Gå tilbake