Sámediggeáirras Randi Skum ja Kåre Raue joatkiba stivrras. Ođđa stivralahtut leaba Odd Rørbakk ja Mari-Ann Grønås. Stivrra várrelahtut leat Eli Pedersen, Bjørnar Hansen ja John Håkon Kristiansen.
Válgariikkačoahkkin
Riikkačoahkkimis čakčat lea Norgga Sámiid Riikkasearvi áigumin ávvudit 40-jagi sámi organisašuvdnahistorjjá. Riikkačoahkkin galgá maid nammadit presideantaevttohasa ja válgaprográmma sámediggeválgii 2009. Riikkačoahkkimii besset vuolgit Lennart Nordhus, veterána Mildri Pedersen ja stivralahttu Mari-Ann Grønås.
- Jahkečoahkkimii ledje boahtán oalle ollu olbmot ja orro hirbmadit berošetamen searvvi bargguin. Dál mii fertet válgabargguid bargagoahtit, ja gal de lea buorre ahte olbmot leat áŋgirat, cealká Lennart Nordhus.
Goahtehuksen ja kulturbargu
Searvi galgá dieđusge maid bargat giella- ja kulturbargguid nu movt searvi álo lea bargan. Searvi maid áigu ovttasbargat eará kulturbargiiguin ja kulturserviiguin Sáččás.
- Jahkečoahkkin ávžžuhii váldit oktavuođa giliservviiguin ja Davvi-Sáččá orohagain ja singuin ovttasbargat goahteprošeavttas. Jahkečoahkkin maid ávžžuhii gililávdegottiin ovttasbargat meahccebálgáid ráhkadeamis, cealká Lennart Nordhus, gii joatká Sáččá ja biras sámiid searvvi – NSR jođiheaddjin.
Ođđa olbmuid oahpaheame
- Lean duhtavaš go Sáččá ja biras sámiid searvvis leat ollu doaimmat, ja erenoamáš ilus go sii nagodit rekrutteret ođđa olbmuid searvái, cealká Silje Muotka ja muittuha ahte ođđa olbmuid rekrutteren lea dahkan ahte Norgga Sámiid Riikkasearvi lea birgen ásaheami rájes 1968 otná beaivvi rádjái.
Gulahallandieđut
Lennart Nordhus, Mobil 91753336
Silje Muotka, Mobil 98487576
NSR čállingottis sáhttá jearrat dábálaš gažaldagaid, tlf. 78486955
Denne artikkelen på norsk