- Mii sámit geat gullat máilmmi riggáseamos álgoálbmogiid searvái, berret leat buorre ovdamearkan dálkkádatbarggus. Vuosttaš našunála orgánan berrešii Sámediggi dohkkehuvvot čeahpes birasgáhttejeaddjin (miljøfyrtårn). Dat lei čájehit ahte mii váldit birasáššiid duođas, cealká sámediggeáirras Tor Mikalsen (NSR).
Seastit ja buoret bargobiras
”Miljøfyrtårn” lea dohkkehanortnet ásahusaide ja almmolaš doaimmaide. Dat mielddisbuktá ahte ferte deavdit muhtin čielga gáibádusaid, earret eará sisaoastima, doappargieđahallama ja energiijageavaheami ektui. Olu fitnodagat sestet doaibmagoluid ja ožžot buoret bargobirrasa dán birasdohkkeheami geažil.
Sierra CO2–rehketdoalu
NSR oaivvilda ahte Sámedikki siskkáldas doaibma ferte šaddat nu biraseastadeaddji go vejolaš. Sáhttá ovdamearkka dihtii leat sáhka energiijageavaheamis, sisaoastinpolitihkas ja mátkkoštemiin. Sámediggi berrešii maid ráhkadišgoahtit sierra CO2–rehketdoalu.
Kommenter denne artikkelen
Tips en venn Gå tilbake