Eai gávdno buorit ákkat manin boazodoallu meannuduvvo eará láhkai go eará ealáhusat. Dáinna lágiin leat njuolgut vealaheamen boazodoalu.
Ii leat politihkalaš dáhtu
Sámediggi lean máŋgii lokten divatášši čoahkkimiin ja gulahallamiin guovddáš eiseválddiiguin, muhto eat leat vel nákcen čoavdit ášši. Go Ráđđehus ii oru vuoruheamen dán ášši, de mu mielas dat čájeha ahte sis ii leat politihkalaš dáhtu dasa.
Halvorsena duohken
Mun vuorddán ahte divatášši dál čoavdašuvvá ráđđehusa bušeahttagieđahallama oktavuođas. Ollu lea finánsaministara Kristin Halvorsena duohken. Reivves NSR:i 29.06.07 čállá ministtar ahte divatpolitihkka lea eiseválddiid bealis čatnon mohtorfievrruid kategoriseremii.
Ferte čoavdit ášši
Ovdamearkka dihtii geavaha boazodoallu skohteriid ja njealjejuvllagiid ealáhusas, ja danin dát fertejit ge leat divahis golut. Dát guoská sihke dasa go ostet boaldámuša mohtorfievrruide mat geavahuvvojit ealáhusas, ja maiddái investeremiid doaibmareaidduin. Mii eat sáhte dohkkehit otná dili. Ráđđehus ferte farggamusat gávdnat buori čovdosiid ovttasráđiid boazodoaluin ja Sámedikkiin.
Dál lea áigi gávdnat čovdosa áššis!
Kommenter denne artikkelen
Tips en venn Gå tilbake