Dát lea balddihahtti ja dieđusge áibbas dohkketmeahttun. Danin mun lean ilus go eanaš politihkalaš joavkkut leat čielgasit cealkán ahte sihke vuohki mo reivve sáddejuvvui ja reivve sisdoallu ii leat dohkálaš. Orru goit oalle imaš go bellodatnjunnošat dan bellodagas gosa Henriksen ieš gullá, nammalassii SG, illá mihte kommenteret reivve. Go Kristin Halvorsen viimmat celkkii juoga, de son vikkahii dán rasisttalaš ja vašálaš reivve čilget dego politihkalaš cealkámuššan.
Vigget garvit ášši
SG njunnošat vigget dáinna lágiin garvit ášši. Olav Gunnar Ballo lea jagiid čađa fallehan sihke sámepolitihkkariid ja sámepolitihka. Lea go dát dagahan ahte SV-njunnošat eai oba beroš ge šat? Eará bellodagat ja njunuš politihkkarat atnet mihá čielgaset ávvira sis geat vásihit rasisttalaš fallehemiid servodatberoštumi geažil. Eatnašat mis leimmet vuordán SG:s dan seamma.
Gosa jávkkai bellodaga sámepolitihkka?
Jagit leat vássán das rájes go SG:s ge lei sámepolitihkalaš vuođđu. Dađi bahát dat vuođđu orru vajálduvvon. Sis-Finnmárkkus lea bellodat áibbas jamas, ja nu leamašan moanat jagiid. Dát ášši lea mu bidjan imaštallat lea go sivvan dasa dat ahte sámepolitihkka váilo, vuoi lea go njuolgut sivvan ahte siskkáldas digaštallamis leat sullasaš ”politihkalaš cealkámušat” guovddážis?
Kommenter denne artikkelen
Tips en venn Gå tilbake