Sámedikki dievasčoahkkimis mii dál lea Kárášjogas, loktii sámediggeáirras Tor Mikalsen (NSR) ášši Sámedikki sárdnestuolus. Son muittuhii Aili Keskitalo cealkámušaid medias ahte lea dehálaš doarjut mapuche indiánaid rahčamušaid. Sámediggepresideanta Egil Olli lei baicce várrugas, ja dajai ahte ii dieđe man ollu Sámediggi galgá seaguhit iežas olgoriikkaáššiide.
Dát lea eamiálbmotpolitihkka!
- NSR čuoččuha ahte doaimmat maid fitnodagat man norgga stáhta eaiggáduššá jođihit eamiálbmotguovlluin lea eamiálbmotpolitihkka. Nu dat lea maid áigeguovdil Sámediggái, deattuhii Mikalsen.
Olli čuovvolii NSR
Sámediggepresideanta de čuovvolii NSR oainnu áššis, ja celkkii mediai ahte lea lunddolaš Sámediggái konsulteret departemeanttain dán áššis. Nu son lea ge váldán ášši bajás čoahkkimis Olgoriikkadepartemeanttain.
Lea hoahppu
- Lea buorre go Sámediggeráđđi viimmat fuomáša ahte dát lea dehálaš ášši Sámediggái, ja ahte sii leat lokten ášši eiseválddiide. Muhto mun ohcalan dieđuid das maid Olgoriikkadepartemeanta oaivvilda áššis. Lea dehálaš ahte Mapuche indiánat Chiles ožžot min veahki, ja dainna lea hoahppu, deattuha sámediggeáirras Tor Mikalsen (NSR).