Martin Urheim jođiha sámesearvvi válgalávdegottis. Son ávžžuha buohkaid heat háliidit searvat sámesearvvi bargguide váldit oktavuođa suinna tlf. 995 06 195.
Romssa Sámiid searvvi stivra lea 2007:
Jođiheaddji: Anita Lervoll
Stivralahttu: Marit Einejord (čálli)
Stivralahttu: Inger Dagsvold (ruhtadoalli)
Stivralahttu: Paul Bendikk Jåma
Stivralahttu: Tone Østby
Várrelahtut leat leamaš: Svenn-Egil Knutsen, Synnøve Angell ja Siri Gaski.
Diehtojuohkimat ja gulaskuddancealkámušat
Jahkedieđáhusevttohusas čuožžu ahte sámesearvvis lea leamaš rabas diehtojuohkinčoahkkin Sámi vuoigatvuođalávdegotti barggu birra. Sámi vuoigatvuođalávdegotti lahttu Else Grete Broderstad čilgii áššiid. Diehtojuohkinčoahkkin lei Driv nammasaš studeantaviesus juovlamánu 12. beaivvi ja sosiálalaš servvoštallan maŋŋel.
Sámesearvi lea čállán gulaskuddancealkámuša Romssa suohkana suohkanoasseplánaide mat leat leamaš gulaskuddamis, ja muittuhan ahte sámi áššiid ferte váldit mielde. Stivra lea maid ávžžuhan Damm Forlag almmuhit sámi gáktegihppaga dainna sisdoaluin mii lea ”Norsk bunadsleksikon” gassa girjjiin.
Ođasreivvet
Romssa sámiid searvi lea sádden ođasreivviid e-poastta bokte miellahtuide ja eará berošteddjiide ja mediai. Ođasreivviin leat dieđut sámi kulturdoaluid birra Romssa gávpogis, ovdamearkka dihte konsearttat, sámefeasttat ja Beaivváš Sámi Teáhtera čájálmasat. Čakčat maid sáddejuvvui NSR-jođiheaddji ođasreive buot miellahtuide ja das ledje ságat sámediggejoavkku bárttiin mat ledje dan áigge.
Juovlabeavdi, konsearttat ja goahtehuksen
Romssa sámiid searvi, Sámi studeanttaidsearvi ja Riddu Riđđu lágidedje oktasaš juovlabeaivddi skábmamánus loahpas 2007. Juovlabeavdi lea bivnnut ja sullii 100 gávttehasa bohte boradit. Golmma searvvi jođiheaddjit sávve bures boahtin juovlabeavdái ja maŋŋá lei dánsa.
Romssa sámiid seariv lea lágidan konseartta / sámefeastta nuortalaččain Tiina Sanila čakčat 2007. Konsearttat galge leat oassin Sámi Scene prošeavttas mas nuorra dáiddárat besset boahtit lávdái.
Romssa suohkana oamastanossodat ja Romssa sámiid searvi lágidedje goahtenhuksenkurssa Guovssas mánáidgárddis ja hukseje njala ja áitti. Romssa suohkan ja NSR oahppoorganisašuvdna SOL ruhtadedje kurssa.
Jahkečoahkkima áššelistu:
- Jođiheaddji Anita Lervoll rahpá čoahkkima
- Válljet čoahkkinjođiheaddji, beavdegirjji čálli ja vuolláičállit
- Áššelisttu dohkkehit
- Jahkečoahkkima dohkkehit 2007
- Dohkkehit stivrra jahkerehkedoalu oktan rehketdoallodárkkisteaddji dieđáhusain 2007
- Jahkečoahkkincealkámušat
- Válggat: - Ođđa jođiheaddji, njeallje stivralahtu oktan golbma várrelahtuin, válgalávdegoddi (jođiheaddji ja guokte lahtu), guokte rehketdoallodárkkisteaddji, delegáhtat NSR 40-jagi ávvudanriikkačoahkkimi ođđa hoteallas Guovdageainnus golggotmánus 2008, oktan várreáirasiiguin. Vihtta delegáhta besset vuolgit!
- Bušeahtta 2008'
Denne artikkelen på norsk
Kommenter denne artikkelen
Tips en venn Gå tilbake