- Mun lean sakka vuorjašuvvan go nu oallugat rabas čalmmiiguin rihkkot sámi giellalága. Dál gal ferte Sámediggeráđđi ge váldigoahtit giellalága ollášuhttima duođas, ja čuovvolit dákkár čielga láhkarihkkumiid. Maid mii dainna lágain jus ii oktage čuovo dan, jearrá Norgga Sámiid Riikkasearvvi (NSR) sámediggeáirras Klemet Erland Hætta.
Sámediggeráđđi jávoheapmi
Hætta lea ođđajagimanus juo reivve bokte bivdán Sámediggeráđi kártegoahtit giellalága rihkkuma ja bidjat johtui doaibmabijuid mat sáhttet buoridit dili. Sámediggeráđđi ii leat vel vástidan dása. – Mun gal imaštalan ahte lea go nu ahte sii eai vuorut sámegiela ovdánahttima, vuoi leat go dušše sealggaheamit. Sámediggi ferte dál váldit ovddasvástádusa ja bearráigeahččat ahte láhka doaibmá nu mo galggašii, deattuha Hætta.
Láhka lea čielggas
Sámi giellalága § 3-2 čuodjá ná:
“Dieđáhusat almmolaš orgánain mat galget olles dahje osiide álbmogis hálddašanguovllus, galget leat sihke sámegillii ja dárogillii. Skoviid maid galgá atnit báikkalaš dahje guovllu almmolaš orgánaide hálddašanguovllus galget leat sihke sámegillii ja dárogillii.”
Kommenter denne artikkelen
Tips en venn Gå tilbake
Kommentarer:
Min iežamet sivva av Sealvan 06.05.2008 00:45
Dat gal lea buori muddui min iežamet sivva go eat geavat daid sealvaniid sámegillii ja eará fálaldagaid sámegillii. Mii eat luohte ahte mii áddet mii čuožžu. Mii eat luohte ahte dat lohkkojuvvojit rievttes láhkái. Die dat lea várra.