- Olles proseassa lea gártamin skandálan. Ráđđehus ii lágit konsultašuvnnaid Sámedikkiin dán áššis, nu mo sii leat geatnegáhtton álbmotrievtti ja šiehtadusa bokte Sámedikkiin. Baicce leat sihke Ráđđehus ja Sámediggepresideanta Egil Olli mediaid bokte vuojehan iežaset oainnuid. Mu mielas dás háisugoahtá. Orru leamen nu ahte bellodatustibat leat speallamin spealu man ovdalgihtii leat šiehttan, cealká NSR parlamentáralaš jođiheaddji Aili Keskitalo.
Lea go presideanta dájuhuvvon?
NSR váruha dohkkeheames ođđa minerálalága mas ii leat biehttalanvuoigatvuohta ii ge eamiálbmotdiva. – Lea go Sámediggepresideanta dájuhuvvon, vuoi leat go ovdalgihtii šiehttan spealu? Dál mun dáhtun presideantta gohččut Sámedikki joavkojođiheddjiid hoahppočoahkkimii gos son ferte čilget midjiide mo dát dehálaš ášši lea ovdáneamen, cealká Keskitalo.
Guolástusministtar ja Bargiidbellodaga nubbinjođiheaddji Helga Pedersen dat almmuhii Finnmárkku Bargiidbellodaga jahkečoahkkimis 08.03.08 ahte Ráđđehus ii áiggo evttohit eamiálbmotdivvaga.
Kommenter denne artikkelen
Tips en venn Gå tilbake