Sámediggeráđi doaibmadieđáhusas celko ahte Stuorradiggedieđáhus gonagasreabbáhálddašeami ektui soahpá bures dálá Sámediggeráđi oidnui. Muhto mun goit háliidan muittuhit ahte dát Stuorradiggedieđáhus máŋga dehálaš osiin ii soaba Sámedikki dievasčoahkkima mearrádussii mii dahkkui diibmá, cealká Mikalsen.
Guovlluhálddašeapmi váilu
Ovtta daid deháleamos čuoggáin Sámedikki mearrádusas lei ahte doaimmaheaddji hálddašeapmi galggai sirdojuvvot guovlludássái, ja Sámediggi galggai das oasálastit. Maiddái Riddoguolástanlávdegoddi lea evttohan guovlluhálddašeami. Muhto dát ii leat evttohuvvon Gonagasreabbádieđáhusas.
Unnitloguráđđi
- Orru leamen nu ahte Sámediggeráđi lea ”vajáldahttán” Sámedikki diimmáš mearrádusa. Vuoi lea go nu ahte ráđđi eará sivaid geažil viggá čiegadit ahte guolástusministtar badjelgeahččá Sámedikki dán áššis, jearrá Tor Mikalsen.
Dál son vuordá ahte Sámediggeráđđi deattuha dan maid Sámedikki dievasčoahkkin oaivvilda sihke gonagasreabbá hálddašeami ektui ja obalohkái guolástanáššiid ektui go sis leat konsultašuvnnat ja muđuid hulahallan eiseválddiiguin. – Sámediggeráđđi ferte váldit vuhtii ahte sii leat unnitlohkuráđđi, deattuha Tor Mikalsen.
Kommenter denne artikkelen
Tips en venn Gå tilbake