NSR sámediggejoavku lea hui duhtavaš go stuorra eanetlohku Sámedikkis válljii doarjut min evttohusa áššis. Erenoamážit leat mii duhtavaččat go Bargiidbellodat loahpas válljii doarjut NSR evttohusa áššis, vaikke sis ii orrun leamen čielga oaidnu. Sámediggeráđis lei ge eará evttohus áššis.
Buorre doaivva
NSRs lea čielgasit cealkán ahte muhtin eavttut fertejit devdot ovdal go Sámediggi sáhttá váldit sámi joatkkaskuvllaid hálddašeami badjelassas. – Bargiidbellodat vikkai ráhkadit dakkár gova ahte dát lea measta jo veadjemeahttun, ja goit ahte boahtá mannat hui guhkes áigi ovdal go dán sáhttá ollášuhttit. Mus lea earálágan oaidnu. NSRs lea buorre doaivva ahte ii mana menddo guhkes áigi ovdal go dárbbašlaš rámmaeavttut leat sajis, cealká Sámedikki Bajásšaddan- ja oahppolávdegotti jođiheaddji, Synnøve Solbakken-Härkönen.
Dál beassá Barggiidbellodat čájehit
- Bargiidbellodaga sámepolitihkkárat leat álo rábmomin iežaset lágaš oktavuođaid ja váikkuhanvejolašvuođaid bellodatustibiidda Ráđđehusas. Dán áššis sis lea vejolašvuohta čájehit ahte dát lea eambbo go guoros sánit, lasihastá Solbakken-Härkönen.
Kommenter denne artikkelen
Tips en venn Gå tilbake