- Giittán ollu jahkečoahkkima luohttámuša ovddas, cealká aittoválljejuvvon jođiheaddji Kari Lifjell ja dadjá gelddolažžan jođihit ovtta Norgga Sámiid Riikkasearvvi (NSR) stuorámus báikkálaš servviin. Kari S. Lifjell lea maid NSR riikkastivrra lahttu.
Dálveriemut iežas julggiid alde
Jahkečoahkkin gieđahalai 2007 jahkedieđáhusa mas sáhttá lohkat ahte stivrras leat leamaš čoahkkimat oalle jámma. Stivra lea sierraláhkái bargan Sámi dálveriemuiguin, dainna ulbmiliin ahte ásahit sierra dálveriepmosearvvi mii lágida riemuid. Jahkečoahkkin mearridii ain bargat Sámi dálveriemuiguin.
Kultuvrralaš lágideamit
Oslo sámiid searvi lea álo áŋgirit lágidan kurssaid ja deaivvademiid. Mannan jagi leamaš sihke Davvin-kurssat ja gáktegoarrun kursa. Sámiid searvi ceggii lávu ja muitalii sápmelaččaid birra Davviriikkalaš sámi dásseárvokonferánssa áiggi. Nu go dábálaččat, de sámesearvi bovdii sihke giđđafestii ja čakčafestii ja guossuhii árbevirolaš sámi borramušaid.
Sámepolitihkka Oslo gávpotstivrras
Oslo gávpotstivra galggašii ráhkadit oppalaš sámepolitihkalaš plána. Sámesearvvi stivra lea gohččon čoahkkinastit Oslo gávpotráđi jođiheddjiin ja sátnejođiheddjiin. Searvi lea buot bellodagaide sádden reivve ja ávžžuhan sámi áššiid váldit mielde politihkalaš bargguide Oslos.
Diehtoáŋgirvuohta
Interneahttasiiddus samer.no fitnet ollu lohkkit. Máŋggas jerret searvvis vaikko makkár gažaldagaid ja searvi juohká dieđuid dego livččii almmolaš diehtojuohkinkanála, dadjat juo. Ovdalaš sámi álbmotbeaivvi doaluid fitnet ollu olbmot lohkamin sámesearvvi interneahttasiiddu ja jearramin duoid dáid.
- Sámesearvvis lea buorre e-poastlistu ja sierra neahttasiidu lassin NSR neahttasiidui, muhto lea hástalus olahit daid miellahtuid main ii leat e-poasta. Mii áigut bargat dainna, cealká Kari S. Lifjell, ođđa jođiheaddji, Oslo sámiid searvi NSR.
Preassagovva dás.
Servviid gulahallandieđut dás.
Denne artikkelen på norsk
Kommenter denne artikkelen
Tips en venn Gå tilbake