- Norgga Sámiid Riikkasearvi (NSR) lea duhtavaš go Finnmárkkukommišuvdna viimmat beassá álggahit iežaset erenoamáš dehálaš bárggu. Mun lean goit veahá eahpádusain go okta sierrajoavku dego bivdo- ja guolástansearvi lea beassan kommišuvdnii. Lea imaš ahte Sámediggeráđđi lea dohkkehan ja buressivdnidan dan, cealká Aili Keskitalo, NSR parlamentáralaš jođiheaddji.
Ferte beassat johtilit bargagoahtit
Dál lea goit deháleamos ahte Finnmárkkukommišuvdna beassá johtilit bargagoahtit, ja ahte ásahuvvo čállingoddi mas lea nanu fágalaš čehppodat. NSR vuordá ahte čállingotti virgádeamis deattuhuvvo báikkálaš čanastagat, giellagelbbolašvuohta ja gelbbolašvuohta sámi áššiin.
Finnmárkkukommišuvnnas leat čuovvovaš lahtut:
- Jon Gauslaa, Oslo, jođiheaddji