NSR sámediggejoavku oaivvilda leat heahpadin go Sámedikki Bajásšaddan- ja oahpahuslávdegoddi dán vahko lei gohččojuvvon čoahkkimii Kárášjohkii dušše fal gieđahallat 1 – ovtta cealkaga. Lei biddjon vihtta beaivvi ášši gieđahallamii. Muhto lávdegoddi ii áddjánan go vihtta minuhtta gieđahallat ášši, ja dál fertejit sámediggeáirasat fuobmát eará hommáid.
Loga eanet
23.09.2008 |
Oslo sámiid searvi sávvá buot miellahtuide bures boahtin miellahttočoahkkimii čakčamánu 24. beaivvi diibmu 18.00. – Bohtet fal ja muitalehpet maid dii háliidehpet ahte min riikkačoahkkináirasat galget doarjut riikkačoahkkimis, cealká Kari Lifjell.
Loga eanet
22.09.2008 |
Norgga Sámiid Riikkasearvvi (NSR) sámediggeáirras, Tor Mikalsen, oaivvilda ahte sámediggeráđđi lea ovdanbuktán heajos ásahusdieđáhusa. Sámedikki Plána- ja finánsalávdegoddi gieđahallá ášši dán vahkos.
Loga eanet
22.09.2008 |
- Mun lean addán diedu NSR válgalávdegoddái ahte in áiggo joatkit NSR jodiheaddjin. Háliidan dál vuoruhit sámepolitihkalaš barggu báikkálaš dásis iežan válgabiires. Mus lea maid olles virgi Finnmárkku allaskuvllas ja mun lean bearašolmmoš. Dál ferten bures válljet daid bargguid maid áiggun bargat ovddasguvlui, cealká Silje Muotka.
Loga eanet
22.09.2008 |
Oslo Sámiid Searvi OSS deavdá 60 jagi ja bovde ávvudangaskabeivviide lávvardaga borgemánu 4. beaivvi 2008 Kulturšloahtas, muitala jođiheaddji Kari Lifjell.
Loga eanet
21.09.2008 |
Sámediggeáirras ja miellahttu Sámedikki doarjjastivrras, Miriam Paulsen (NSR), lea hui duhtavaš go Sámedikki doarjjastivra lea juolludan 125.000,- ruvnnu julevsámi duodjetearpmaid čohkkemii.
Loga eanet
21.09.2008 |
Sámediggeráđđi lea ovdanbuktán iežaset dieđáhusa “Sámi ásahusat ja siviila sámi servodat”. Dieđáhusas lea deattuhuvvon ahte Sámedikkis galgá leat stivrenovddasvástádus daid sámi ásahusain geat ožžot ruđalaš doarjaga Sámedikkis. Sámediggeáirasa Randi A. Skum (NSR) mielas ii leat dát riekta.
Loga eanet
20.09.2008 |
Sámedikki doarjjastivra lea doallan čoahkkima Snoasas čakčamánu 2. ja 3. beivviid. Doppe juolluduvvui buohkanassii 1 857 000 ruvnnu doarjjan ealáhusáigumušaide. Erenoamážit juolluduvvui doarjja guolástus- ja bálvalusealáhusaide. Kulturáigumušaide, erenoamážit dáidda- ja festiváladoarjjan, juolluduvvui buohkanassii 945 000 ruvnnu.
Loga eanet
20.09.2008 |
Kárášjoga Sámiid Searvi lágiidii 13.09.-14.09. nuoraidmátki Anárii. Nuorat besse earret eará fitnat dovddus Bassi Sullos, gos duođaid besse vásihit čiegus sámi vuoiŋŋa. Maiddái hávdesullo besse sii oaidnit. Dohko leat min máddarat hávdáduvvon.
Loga eanet
19.09.2008 |
Boahtte sámediggeválggain cakcat 2009 šaddá eará dilli go ovddit válggain. Stuorradiggi lea mearridan odda njuolggadusaid sámediggeválgii ovdalaccas dán jagi. Dál lea Bargo- ja searvadahttindepartemeanta sádden láhkaásahus árvalusa gulaskuddamii. Vástidanáigemearri lea skábmamánu 17. beaivvi. Dás logat deháleamos nuppástemiid.
Loga eanet
18.09.2008 |
Iinna ja biras sámiid searvi áigu bovdet miellahttočoahkkimii čakčamánu 30. beaivvi Nuoraid Siiddas, Vuopmegeaži boares skovllán, muitala IBSS jođiheaddji Ann-Mari Thomassen. Čoahkkin galggai lágiduvvot árabut, muhto leamaš maŋiduvvon jápmindáhpáhusa geažil.
Loga eanet
17.09.2008 |
Kárášjoga Sámiid Searvi lágiida nuoraidmátki Anárii lávvardaga 13. b. čakčamanus 2008. Nu muitala searvvi jođiheaddji Egil Utsi. Mátkki oktavuođas lea maid jurdda doallat juoiganbáji nuoraide.
Loga eanet
11.09.2008 |
Álttá sámiid searvi doallá miellahttočoahkkima Álttá Siiddas duorastaga čakčamánu 11. beaivvi dii. 19.30. Fáddá lea earret eará Sámedikki dieđáhus sámi ásahusaid birra, ja dieđut ođđa válgaortnega birra.
Loga eanet
10.09.2008 |
The BlackSheeps joavku Unjárggas vuite MGP jr – “Oro jaska, beana” lávlagiin. Mun lean ilus ja rámis go nuorat leat vuoitán Norgga MGP jr gilvvu. Nuppit nuorat ledje maid čeahpit, muhto Unjárgga nuorat ledje gal áibbas čielgasit buoremusat, cealká unjárgalaš NSR-jođiheaddji Silje Muotka.
Loga eanet
09.09.2008 |
Iinna ja biras sámiid searvi, Norgga Sámiid Riikkasearvvi (NSR) sámiid searvi oaidná dárbbu ásahit sámi áššiid lávdegotti Evenášši, Dielddá ja Skániid suohkaniidda, cealká searvvi jođiheaddji Ann-Mari Thomassen (NSR).
Loga eanet
08.09.2008 |
Geir Tommy Pedersen Gáivuonas eret ja Aile Javo Kárášjogas eret joatkiba NSR ovddasteaddjin Sámiráđis boahttevaš njeallje jagi. NSR riikkastivra lea sutno nammadan.
Loga eanet
07.09.2008 |
Sámediggeáirras Gunn-Britt Retter (NSR), Unjárggas eret, dolle odne Oslo Spektrumii doarjut nuorra lávlunjoavkku The BlackSheeps geat oasálastet Melodi Grand Prix junior gilvvuin.
Loga eanet
05.09.2008 |
Lohkkiidčállosis čállá Sámedikki opposišuvdnajođiheaddji Aili Keskitalo (NSR) man behtohallan son lea dasa go sámediggeráđđi lea hilgon dan dehálaš gelbbolašvuođa mii gávdno sámi ásahusain. NSR dáhttu sin searvat digaštallamii boahttevaš stivrejumi, organiserema ja ovddasvástádusaid birra.
Loga eanet
04.09.2008 |
Norgga Sámiid Riikkasearvvi (NSR) politihkka lea ahte buot sámi mánáide galggašii sámi mánáidgárdesadji. Min mielas Norgga eiseválddit leat bargan menddo unnán dán áššis. Nu cealká jodiheaddji Silje Muotka.
Loga eanet
03.09.2008 |
Norgga Sámiid Riikkasearvi (NSR) atná unohassan go Sámediggeráđđi ii leat gulahallan sámi ásahusaiguin čáledettiin iežaset dieđáhusa sámi ásahusaid birra. Nu cealká Sámedikki opposišuvdnajođiheaddji Aili Keskitalo (NSR).
Loga eanet
02.09.2008 |
Sámegiella lea almmolaš giella Norggas. Sámiin lea vuoigatvuohta geavahit iežaset giela ja dat ferte leat vejolaš duohta dilis. Nu cealká Norgga Sámiid Riikkasearvvi (NSR) riikkastivra. Riikastivra maid deattuha ahte sámegiela lokten ain ferte vuoruhuvvot.
Loga eanet
01.09.2008 |
Sotnabeaivve 31.08.08 ráhppui Várnjárgga álbmotmeahcci. Dát álbmotmeahcci lea guovllus gos leat sihke sámi kulturmuittut ja sámi ealáhusat. Sámediggeáirras Gunn-Britt Retter (NSR) lohká dehálažžan ahte ođđa álbmotmeahcis vuhtiiváldet sámi beroštumiid.
Loga eanet
01.09.2008 |
Harstad sámiid searvi ja Sámi váhnenfierpmádat bovdejit sámi-dáru kulturdoaluide Harstadas lávvardaga borgemánu 30. beaivvi ja sotnabeaivvi borgemánu 31. beaivvi, muitala Harstad sámiid searvvi jođiheaddji, Kjell Erland Pedersen.
Loga eanet
29.08.2008 |
NSR háliida sámegiela bearráigeahččanorgána. Mun jáhkán ahte jos livččii sámegiela bearráigeahččanorgánain, de olbmot milloseappot váidalivčče go vásihit ahte almmolaš ásahus ii čuovo giellalága, cealká NSR politihkalaš nubbejođiheaddji, Trond Are Anti.
Loga eanet
28.08.2008 |
Norgga Sámiid Riikkasearvvi (NSR) riikkastivra evttoha ođđasit válljet Aili Keskitalo (NSR) presideantkandidáhttan sámediggeválgii 2009. Riikkačoahkkin golggotmánu 24. - 26. beaivvi váljje presideantakandidáhta.
Les mer her
24.08.2008 |
NSR-riikkastivra čoahkkinasta Álttás dán vahkkoloahpa ja almmuhit gean sii háliidit presideantkandidáhtan sámediggeválggas 2009.
Loga eanet
22.08.2008 |
NSR riikkastivra lea dohkkehan guokte ođđa sámiid searvvi gullevašvuođa Norgga Sámiid Riikkasearvái (NSR). Nubbi Helgelánddaguovllu sámiid searvi ja nubbi Mjøsaguovllu sámiid searvi. NSR-riikkastivra lea maid duhtavaš go Ranen sámiid searvi fas lea doaimmas.
Loga eanet
13.08.2008 |
Thomas Ole Andersen lea beakkán ja bivnnut sámediggepolitihkkára Olav Andersen bárdni Rámavuolen, Skániin Lulli-Romssas eret. Sus leamaš ollu luohttámušdoaimmat Norgga Sámiid Riikkasearvvis ja lea dál NSR riikkastivrra lahttu.
Loga eanet
24.07.2008 |
Norgga Sámiid Riikkasearvvi (NSR) organisatuvrralaš nubbejođiheaddji lea geasset dan guovllus gos várra leat eanemus NSR-searvvit ovtta báikkis. Marit Einejord loaktá bures márkosámi gilis geasset.
Loga eanet
23.07.2008 |
Sámediggeáirras Ann-Mari Thomassen (NSR) návddaša geasi iežas bearrašiin. Dan jagi lea olles joavku vuohččan vuolgimin lieggariikii, ja dasa Ann-Mari sihke illuda ja lea veahá balus. Son goit válddii dili minguin ságastallat.
Loga eanet
22.07.2008 |
Sámediggeáirras Randi A. Skum (NSR) lea, nu go eanaš eará politihkkárat ge, váldán luomu sámepolitihkas. Dál son návddaša geasi bearrašiin. Su geasseparadiijás lea dieđusge Sáččá gos son lea mánnávuođabálgáid dulmmodan.
Loga eanet
21.07.2008 |
Dábálaččat son jođaša birra máilmme muitaleamen hástalusaid birra maid dálkkádatrievdamat buktet eamiálbmogiidda. Muhto dán geasi sámediggeáirras Gunn-Britt Retter (NSR) áigu eanaš áiggi geavahit divodit dan boares viesu mii dál lea su namas ruovttubáikkis Suovvejogas Unjárggas.
Loga eanet
18.07.2008 |
Sámediggeáirras Miriam Paulsen (NSR) lea agibeaivái rádjan iežas skuvlagirjjiid. Geassemánus son gearggai buohccidivššároahpuin, ja loahppaeksámenis son oaččui buoremus árvosáni. Geassit son áigu ohcat rabas virggiid.
Loga eanet
17.07.2008 |
Norgga Sámiid Riikkasearvvi (NSR) politihkalaš nubbinjođiheaddji, Trond Are Anti, lohká giellaovddideapmi leat iežas váibmoáššin. Danin son dáhtošii ge čorget guovttegielatruđaid geavaheami nu ahte dain lea stuorát ávki. Su iežas ruovttugielda, Deatnu, lea ge čurbošan dáid ruđaid geavaheamis.
Loga eanet
16.07.2008 |
- Illudan geasselupmui. Lean vuolgimin Danmárkui bearrašiin ja mánát besset doppe vásihit suohttasiid. Mun, isit ja nieiddaš váldit guokte vilbeali fárrui ja fitnat Legolánddas ja sávvamis sáttogáttis, muitala NSR jodiheaddji Silje Karine Muotka.
Loga eanet
15.07.2008 |
Jus son beasašii leat stádaministtarin ovtta beaivái, de lei sámediggeáirras Kjersti Myrnes Balto (NSR) bearráigeahččat ahte sámeálbmotfoanddas lassánivčče ruhta máŋggagerddiin. – Dat galggašii leat nu ollu ahte livčče duođas vejolaš bidjat doaimmaid johtui gáhttendihti sámegiela, dadjá son.
Loga eanet
14.07.2008 |
Borgemánus čudjet girkobiellut, go dalle sámediggeáirras Kirsti Guvsám (NSR) náitala iežas Sindrein. Danin son šaddá ge olles geasi ráhkkanit heajaide. Dasa lassin lea párra aiddo fárren Oslos Romsdalii.
Loga eanet
11.07.2008 |
Sámediggeáirras Roger Pedersena (NSR) bearrašis leat álo beroštan meahccedádjadeamis. Sus lea alddis olu buorit mánnávuođamuittut go sii leat meahccedádjadangilvvuin johttán. Dál lea son ilus go maiddái boarráseamos nieida, Ronja, lea árben dán beroštumi.
Loga eanet
10.07.2008 |
Sámediggeáirras Tor Mikalsen (NSR) áigu leat ruovttus Olmmáivákkis Davvi-Romssas dán geasi. Dál son vuorddaša čáppa dálkkiid, nu go oallugat earát ge. Luomejeaggái son válddášii Sofia Jannoka fárrui, ja olbmás lea buorre čilgehus dasa.
Loga eanet
09.07.2008 |
Sámediggeáirasii Susanne Amalie Andersen (NSR) mearkkaša geassi Márkomeannu festivála. Nugo diibmá ge, de son dan jagi maid bargá eaktodáhtolaččat festivála ovddas. Go Duolva Duottar, Sofia Jannok ja Niko Valkeapää čuojahišgohtet, de vissásit gávnnat Susanne scena ovddabealde.
Loga eanet
08.07.2008 |