RSS-feed

Velg språk!

Utskriftsvennlig versjon Thomas Andersen geasseságat
Thomas Andersen
Thomas Ole Andersen lea beakkán ja bivnnut sámediggepolitihkkára Olav Andersen bárdni Rámavuolen, Skániin Lulli-Romssas eret. Sus leamaš ollu luohttámušdoaimmat Norgga Sámiid Riikkasearvvis ja lea dál NSR riikkastivrra lahttu.

Almmuhuvvon: 24.07.2008

Maid don áinnas borat ja jugat geassebáhkkan?

Návddašan galbma Mack-vuollaga ja grilla-dávttiid. Gal biergojukca maid lea buorre geassebáhkkan.

Makkár musihkka addá dutnje geassedovddu?

The Shins ja Arcade Fire addet vuogas dovdduid. Ja siivu soaiggeha go Lillegutt juoigala buohcceviessoluođi iđđesárrat Márkomeanu festiválas. 

Maid čájehivččet turisttaide geat fitnet du ruovttubáikkis?

Ollu čáppa báikkiid čájehit unnán áiggis. Na, mun várra čájehivččen Vuopmegeaži dološ skuvlla spábbačiekčanšilju. Unna šilju, stuorra dáhpáhusat, márkosámi Niehkoteáhter. Čájehivččen Márkomeanu ođđa scena Gállogiettis. Mu mielas buorre scena.

Mii lea du geasseparadijas?

Ruovttus márkogilis loavttán buot buoremus. Spáppa čiekčat, nuvttá bargat festiválabargguid Márkomeanu ovddas, vuojadit, oaggut máhtovuokkain, nissonastit, grillet, Pubas fitnat, várremátkkis fitnat, áhččán geahččat go bassá biergguid ja lávlu ovddeš Stones- schlãgeriid, ja ieš Márkomeannu festivála.

Gean válddašit fárrui luomejeaggái?

Na, jierbmámus livččii dieđusge váldit eatni mielde. Jođán čoaggit, inge mun dárbbaš čoaggit nu ollu. In liiko murjet.

Maid barggašit jus beasašit stádaministtarin ovtta beaivái?

Attášin lullisámiide vuoigatvuođaid mearridit iežaset árbevirolaš guovlluid badjel, ja cakkašin buot boahtteáiggi sisabahkkemiid. Bissehivččen buot oljobohkamiid Barentsábis.

Maid barggašit jus beasašit kulturministarin ovtta beaivái?

Várren ruđa ealáskahttit sámegiela ja sámi kultuvrra dain guovlluin Sámis gos giella ja kultuvra leat jávkamin.

Gii ánssáša rámi?

Buot nuvttá festiválabargit miehta Sámi geat barget olles geasseluomu nuvttá ja addet midjiide nu buori festiválavásáhusaid geasset. 

Geasselohkamuš?

Mun logan oalle ollu fágagirjjálašvuođa dán geasi. Dál logan sámiid, soađi ja dearvvašvuođa birra buot girjjiid maid gávnnan. Muhto, logan áinnas maid Ottar magasiinnas álkit lohkamuša muhtumin. Suohtas lohkamuš leat maid IBSS jahkegirjjit maid sii almmuhedje álggus 80-jagiin, suohtas ČSV-lohkamuš.

Man haga it birge luomus?

Dárbbašan oaggunstákku ja gaibagahpira, go lea sáhka ávnnaslaš diŋggain. Olmmošlaččat dárbbašan iežan ovttasássi ja bearraša.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S