Mii lea du buoremus geassemuitu?
Min bearrašis leat mii álo liikon meahccedádjadeapmái, nu ahte mu buoremus muitu lea min vuosttaš mátki Ruŧŧii gos gilvvohalaimet Norrbottenis – ledje olu gilvoviehkamat ain hávil.
Maid leat plánen geasseluomus hommát?
Vuolggán bearrašiin mátkái viessovovnnain lupmui. Mii jávkat sullii 2 váhku. Dasto áigo moai Ronjain, mu boarráseamos nieida, vuolgit meahccedádjadangilvvuide.
Makkár geassemuittu háliidivččet vajáldahttit?
Na gal mus leat eanaš buorit geassemuittut, in háliidivčče ovttage vajáldahttit!
Maid don áinnas borat ja jugat geassebáhkkan?
Geassit boran olu grillaborramušaid iešguđet lágan juhkamušain.
Maid čájehivččet turisttaide geat fitnet du ruovttubáikkis?
Mun ledjen sin vuojihit birra iešguđet sajiin min lagasbirrasis, nu ahte duođaid beasašedje oaidnit man čáppat dát guovlu lea! Ovdamearkka dihtii berrešedje buot turisttat oaidnit ”brudesløret” Ruŋggus.
Mii lea du geasseparadiijás?
Ruŋggus; johkagáttis oaggunstákkuin…
Gean válddášit fárrui luomejeaggái?
Gal mun duođas in lean váldit ovttage dohko fárrui. Mun oainnat in liiko lubmet…
Gean válddášit fárrui ávdin sullui?
Iežan ráhkis eamida, Aud.
Maid barggašit jus beasašit stádaministtarin ovtta beaivái?
Dalle ledjen juolludit eanet ruđaid earret eará Sámediggái. Mis lea dárbu olu eanet luovos ruđaide go dat mii mis lea odne.
Maid barggašit jus beasašit kulturministtarin ovtta beaivái?
Dalle ledjen hoahpuhit ovdánahttinbargguid sámi ásahusaid ektui.
Mii botkehivčče du luomostallama?
Heajos dálkkit guhkit áigge badjel. Jus šlahtti vel lea, de gal lea erenoamáš vearrái!
Gii ánssáša rámi?
Dáidá leat nu ahte eat nu dávjá muitte rámidit iežamet lagamuččaid, nu ahte mun álggán singuin.
Man haga it birge luomus?
Lagamus bearraša, čáppa dálkkiid ja njálgga biepmu haga in birgeJ
Kommenter denne artikkelen
Tips en venn Gå tilbake