NSR jodiheaddji Silje Muotka dolle Danmárkui dán geasi.

Mun grillen Deanu-luosa ja boran oktan saláhtain, avokadoin, tomáhtaiguin ja rukses lávkkiin masa lean hui váibmil. Cree-nation ustit oahpahii munnje mii heive grillejuvvon lussii, go ledjen Canadas. Gahpa maid heive (suvralákca).  

Makkár musihkka addá dutnje geassedovddu?

Oappá mánát beroštit sakka Rolffa musihkas ja mun gal ferten maid mojohallat go gulan Rolffa musihka mobiltelefuvnnas. Nieiddaš liiko Ulla Pirttijárvii ja HongKong Dohkkái ja mun ieš lean álo gullan sihke Mari Boine ja Buffy Sainte Marie musihka oalle ollu. Romssa Sámiid Searvi lágidii Buffy Sainte Marie konseartta cakcat 2000, ja de ledjen mun doppe ja dat lei munnje stuorra dáhpáhus.

Maid cájehivccet turisttaide geat fitnet du ruovttubáikkis?

Unjárggas: Ceavccageadggi ja guollevuoigeadgi mii lea áibbas buorre kulturmuitu. Ceavccageaðggi kulturmuitoguovlu lea áibbas fiinna guovlu mii cájeha movt sámit leat ássan ja geavahan báikki 10.000 jagi. Válddášin turisttaid mielde Várjjat sámi museai ja válddášin sin mielde Vuonnamárkaniidda borgemánus. Doppe sáhttá oastit dujiid ja herskuid mearrasámi márkanis.

Álttás cájehivccen Jiebmeluovtta báktesárgumiid ja válddášin sin mielde Gargia duottarstohpui mas mu máttaráddjá lei oppsihttár. Váccihivccen turisttaid Gurrevárrái, muhto in diede válddášin go jur gitta sieidegeadggi lusa Gurrevári vuolde  go dat sieidi galgá leat oalle gievra, dat "Áhkku", nu goit daddjo ...

Mii lea du geasseparadijas?

Gor?etakas Unjárggas borgemánus, diedusge. Mus leat maid ollu buorit geassemuittut Skálvejávrris, mánnávuoda rájes.

Gean válddášit fárrui luomejeaggái?

Válddášin Bård Vegar Solhjell fárrui ja cilgešin sutnje movt sámi skuvlla dilli lea ja makkár oahpahushástalusat sámis leat. Son sihkkarit liikošii sihke luopmániidda ja mu válljen fáddái:)

Maid barggašit jus beasašit stádaministtarin ovtta beaivái?

Livccen bearráigeahccan ahte minerálalágas livccii dohkálaš dássi. Livccen duodas váldán dán lága, danne go dan haga ii nagot oažžut doallevaš ja dohkálaš mineráladoaimmaid, mat sáhttet cadahuvvot boahtteáiggis, oktanis eará ealáhusdoaimmaiguin.

Maid barggašit jus beasašit kulturministtarin ovtta beaivái?

Mun livccen huksen odda Beaivváš Teáhterviesu ja ordnet govttolaš viesu Sámi našunála dáiddacoakkalmassii Kárášjogas. Livccen bearráigeahccan ahte sámi mánáid-TV sáddejuvvošii beaivválaccat ja jámma, ja das galggašedje maid leat lullisámi ja julevsámi mánáidprográmmat mielde. Mun livccen vuoruhan jorgalit ja heivehit DVD-filmmaid ja dihtorspillaid mánáide ja nuoraide sámegillii. Na das gal doarvái ovtta beaivvis.

Gii ánssáša rámi?

Rámiidan buot á?giris kulturbargiid NSRs. Sii barget juohke beaivvi máilmmi buori barggu. Mun lean rámis go min báikkálaš searvvit movttain ja iluin doibmet. Mun lean ieš maid atnán ávkki dain fálaldagain mat sámiid servviin leat ja leamaš sihke festiválain, kulturbeivviin, sámi kurssain, guovvamánu 6. beaivvi ávvudemiin ja ollu eará dáhpáhusain maid sámiid searvvit leat lágidan loginare jagiid.

Geasselohkamuš?

Dás vástidan baicce filmma birra. Lean aitto geahccan filmma "Bury my heart at Wounded Knee" ja dat bijai mu jurddašit. Mineráladoaimmat eamiálbmotguovlluin leat dáhpáhuvvan má?ggaid sevdnjes jagiid. Álbmotgoddimat Wounded Knee báikkis leat vearrámus dáhpáhusat mat cájehit man billisteaddji  vuovdnáivuohta ja imperialisma sáhttá šaddat ja movt dat cuohcá eamiálbmogiidda. Álbmoga historjá ja ieš Sitting Bulls vuostálastin bijai mu jurddašit.

Man haga it birge luomus?

Bearraša haga in birge. Diedusge dárbbašan sin. Buorre geassi buohkaide!