- Dás gal lea Sámediggeráđđi oalát beahttán. Mun ádden bures go máŋga ásahusat dál dovdet badjelgehččojuvvon ja ahte Sámediggi bágge sidjiide ortnegiid. Dát bargovuohki dagaha gulahallama ovdii, ja nu šaddá ge váttisin čađahit evttohuvvon doaimmaid, cealká Sámedikki opposišuvdnajođiheaddji Aili Keskitalo (NSR).
Álggos ferte sáddejuvvot gulaskuddamii
NSR gáibida dál ahte Sámediggeráđi dieđáhus ásahusaid birra álggos sáddejuvvo gulaskuddamii daid ásahusaide geasa guoská, ovdal go Sámediggi meannuda ášši. – Dat lea áidna riekta dán áššis. Sámediggi ferte čájehit ahte mii váldit sámi ásahusaid duođas. Lea goit nu ahte sii ieža buoremusat dihtet masa lea dárbu, deattuha Keskitalo.
Ovttastahttit ásahusaid?
Sámediggeráđđi lea álmmuhan dieđáhusa sámi ásahusaid birra gos earret eará evttohuvvo ovttastahttit ásahusaid ja rievdadit ásahusaid stivrraid nu ahte Sámediggi ge beassá nammadit stivralahtuid daid ásahusaide mat ožžot ruđalaš doarjaga Sámedikkis. Evttohus lea hárdán ollugiid.
Kommenter denne artikkelen
Tips en venn Gå tilbake