Buot válgabiriid oainnát dás
Dehálaš nuppásteapmi lea go suohkanat main leat unnit go 30 olbmo jienastuslogus ja suohkanat main leat badjel 30 olbmo jienastuslogus galget guovtti láhkái cadahit válggaid. Jienasteapmi šaddá guovtti láhkái ja jienaid dohkkeheapmi ja jienaid lohkan šaddá guovtti láhkái.
Válgaboadus ii ádján
Suohkanat main leat unnit go 30 olbmo jienastuslogus eai galgga ásahit sámeválgastivrraid. Jos orut suohkanis main leat unnit go 30 olbmo jienastuslogus, de beasat dušše ovddalgihtii jienastit. De manná johtileappot lohkat jienaid. Nu go diehtit de leat ovdal leamaš váttisvuodat ja lea guhká ádjánan ovdal go sámediggeválgga boadus lea cielgan.
Departemeanta evttoha ahte dáin válggain rehkenastojuvvo mannan válgga jienastuslogu mielde guhtemuš suohkaniin leat unnit go 30 olbmo jienastuslogus. Sáhttá gal maid rehkenastit dan mielde gallis leat jienastuslogus geassemánu 30. beaivvi guokte beaivvi ovdal válgga. Departemeanta bivdá gulaskuddanásahusaid cealkit movt sin mielas berre leat. Suohkanat main leat unnit go 30 olbmo jienastuslogus eai galgga váldit vuostá jienaid jienastanbeaivvi, muhto láhcit dili nu ahte olbmuid besset ovddalgihtii jienastit.
Sáhttá sirdit olbmuid listtus
Evttohuvvo addit jienasteaddjái vejolašvuoda sirdit olbmuid listtus, namalassii daid bajimusaid listtus (vihtta bajimusa dain unnimus válgabiriin ja eambbosiid dain stuorra válgabiriin). Áigumuš livccii addit jienasteddjiide buoret vejolašvuoda váikkuhit makkár obmot besset Sámediggái. Go beassá dušše bajimus olbmuid sirdit, de leat stuorit vejolašvuohta ahte sirdimis lea ávki.
Eará rievdadusaid ii galgga leat lohpi dahkat, departemeanta árvala. Ii ge galgga leat lohpi sihkkut olbmuid listtuin, departemeanta árvala.
Loga olles láhkaásahus árvalusa dárogillii dás.
Gulaskuddanreive ja cealkámušat
Preassadiedáhus - eanet olbmot dáidet searvat válggaide
Denne artikkelen på norsk
Kommenter denne artikkelen
Tips en venn Gå tilbake