NSR riikkastivra háliida ahte Sámediggi ja eará almmolaš ásahusat ain jotket juolludeames ruđa giellabargguide ja ain jotket vuoruheames sámegiela. NSR riikkačoahkkin 2007 celkkii sámegiela ealáskahttin ja ovdánahttin lea otná sámi servodaga stuorámus hástalus. NSR riikkačoahkkima cealkámušaid vuođul NSR bivddii Sámedikki álggahit čállin- ja lohkanprográmma Sámeálbmot foandda ruđaiguin. Buot almmolaš ásahusat berrejit searvat, namalassii mánáidgárddit, skuvllat ja ásahusat mat čađahit ollesolbmo oahpahusa.
Sámegiella lea almmolaš giella Norggas. Sámiin lea vuoigatvuohta geavahit iežaset giela ha dat ferte leat vejolaš duohta dilis.
NSR lea buorre doaivva ahte máŋgga jagi áŋgiruššan addá buriid bohtosiid ja lokte sámegiela. NSR mielas guovddáš eiseválddit berrejit addit stuorra oasi, ja mii leat nannosit deattuhan ahte Sámeálbmot foandda ruđa berre geavahit giellaáššiide maiddái boahtteáiggis.
NSR riikkastivra lea čoahkkimis divaštallan logi čuoggá:
1. Lasi sámegieloahpaheaddjit!
2. Juohke mánnái vuoigatvuohta beassat sámi mánáidgárdái!
3. Nannet sámi skuvlla!
4. Oahpahit buot ollesolbmuid!
5. Sámi giellaguovddážiid ásahit miehtá Sámi!
6. Lasihit sámi girjjálašvuođa, oahpponeavvuid, spillaid, DVDaid ja interneahttabálvalusaid!
7. Gáhttet daid deaivvadanbáikkiid gos beassá sámástit!
8. Čilget olbmuide makkár vuoigatvuođat sis leat go gulahallet almmolaš ásahusaiguin!
9. Čielggadit geas lea ovddasvástádus ja makkár rolla guhtesge lea!
10. Ásahit sámi giellabearráigeahččan orgána!
NSR riikkastivra rámiida daid sámiid geat dustet boahtit ovdan ja muitalit makkár dilis sámegiella lea, nu mo váilevaš dulkafálaldat buohcceviesuin, váttisvuođat vuođđoskuvllas ja ollu eará áššit.
Denne teksten på norsk
Kommenter denne artikkelen
Tips en venn Gå tilbake
Kommentarer:
Oahpaheaddjit av Mellet 22.04.2009 23:28
Duohta ahte dárbbašit eambbo oahpahedjjiid