- Mu mielas leat nuorat The BlackSheeps joavkkus nu hirbmat čeahpit. Sis lea buorre lávlla ja leat čeahpit čuojahit. Mun doaivvun sii ollejit guhkás dáid gilvvuin. Dát leat duostilis nuorat, ja lean sihke čeavlái ja movttet go sidjiide lea lunddolaš lávlot sámegillii, cealká sámediggeáirras Gunn-Britt Retter. Dál son sávvá ahte olbmot leat veahkkin jienasteamen joavkku nu ahte vuoittášedje.
Joavkkus The BlackSheeps leat mielde lávlu Agnete Kristin Johnsen, bassista Aleksander Touryguin, rumbbuid dearpá Viktoria Eriksen ja Emelie Nilsen ges čuojaha gitára. Buot nuorat leat Unjárggas eret. Melodi Grand Prix junior gilvvuin sii lávlot lávlaga ”Oru jaska beana”.
Kommenter denne artikkelen
Tips en venn Gå tilbake