NSR-riikkastivrras leat jođiheaddji Silje K. Muotka, politihkalaš nubbejođiheaddji Trond Are Anti, organisatuvrralaš nubbejođiheaddji Marit Einejord ja riikkastivralahtut Thomas Andersen, Kari Lifjell ja Ellinor Marita Jåma.
Ovdalgihtii gulahallan organisašuvnnain
Riikkastivra lea geasset váldán oktavuođa buot jođiheddjiiguin buot NSR-servviin miehtá riikka ja jearran geain sii háliidit presideantakandidáhttan. NSR-riikkastivra lea maid gulahallan buot luohttámušolbmuiguin ja sámediggeáirasiiguin. Háliidivčče Norgga Sámiid Riikkasearvvi presideantakandidáhttan sámediggeválggas 2009.
NSR riikkačoahkkin golggotmánu loahpas mearrida gii galgá leat NSR presideantakandidáhtta, ja riikkastivrra bargu lea evttohit.
NSR parlamentáralaš jođiheaddji ja Sámedikki opposišuvnnajođiheaddji Aili Keskitalo (NSR) lea fárus riikkastivrra čoahkkimiin, nu maid NSR-nuoraidlávdegotti jođiheaddji Ol-Johan Gaup. Čállingottis boahtá Thomas E. Myrnes Nygård.
Kommenter denne artikkelen
Tips en venn Gå tilbake