Mii lea du buoremus geassemuitu?
Guhkes geasit 70-logus! Orun muitimin mus lei dakkár dovdu ahte dat eai oba nohkan geJ
Maid leat plánen geasseluomus hommát?
Álgogeahčen luomu lea min joavku dollemin Danmárkui. Dáidá leat nu ahte lea buorre leat sápmelažžan Danmárkkus? Dasto finadan Riddu Riđđus ja veahkehan eaktodáhtolaččat Márkomeannu festiválas.
Geasa attášit čuoikačuggestaga?
Mu čuoikačuggestat lei galgat dagahit ahte olbmot dalán šaddet buorremielalaččat ja buorredáhtolaččat. Dat gal lei duođaid sáhttit leat ávkkálaš!
Maid don áinnas borat ja jugat geassebáhkkan?
Mun gal jáhkán ruksesviinna ja gomba sáhttá návddašit juohke lágan dálkkis!
Maid čájehivččet turisttaide geat fitnet du ruovttubáikkis?
De gal fertešin sin doalvut várrái gos beasašeimmet várddus báikkis vuoiŋŋastit bajás gorgŋodettiin. Heajos beali lea dieđusge ahte mun ledjen várra gártat dávjjit bosihastit go sin gean lean dohko fievrridan.
Mii lea du geasseparadiijás?
Ferten vástidit Gállogietti. Doppe lea nu ráfálaš ja buorre, ja lea dakkár báiki gos heive dávjá finadit. Go mu geasseparadiijás lea nu lahka iežan ruovttubáiki, de in dovdda ge nu stuorra dárbbu mátkkoštit.
Gean válddášit fárrui luomejeaggái?
Luomejeaggái vuolggán ovtta mu buoremus ustibiin – gii lea juo 80 jagiin. Son sáhtašii munnje čilget gos luopmániid gávnnan dan mielde makkár dálki dan jagi leamašan.
Maid barggašit jus beasašit stádaministtarin ovtta beaivái?
Jus beasašin leat stádaministtarin, de gal ledjen bearráigeahččat ahte sámeálbmot fondii lassánivčče ruđat máŋgga gerddiin. Dat galggašii leat nu ahte dat sulasta buot daid návccaid ja searaid maid stáda bijai sápmelaččaid dáruiduhttimii, ja nu ollu ahte livčče duođas vejolaš bidjat doaimmaid johtui gáhttendihti sámegiela.
Maid barggašit jus beasašit kulturministtarin ovtta beaivái?
Kulturministtarin ledjen sihkkarastit ruhtadeami buot sámi kulturviesuide mat leat vuorddašeamen ruhtadeami.
Gii ánssáša rámi?
Mun gal láven juohke dilálašvuođas rábmot nuoraid geat juohke jagi lágidit Márkomeannu festivála. Sii duođas dahket buori barggu, dakkár barggu mas lea mearkkašupmi sihke dálá áiggis muhto maiddái boahtteáiggis! Muđuid ánssášit buohkat sii geat veahkehit mánáid ja nuoraid geain ii leat nu buorre dilli rámi.
Geasselohkamuš?
Mun logan eanet áviissaid geasset go muđuid jagis.
Kommenter denne artikkelen
Tips en venn Gå tilbake