- Dákkár vuolggasadji hávkada olbmuid álggahanmovtta ja bargomovtta ovdal go besset oba johtui ge. Dat ges mielddisbuktá ahte dálá sámi ásahusaid ovdáneapmi bisána, eai ge lassán ođđa ásahusat. Dát ii leat buorre sámi servodahkii, čállá Randi Skum iežas bloggas.
Gávdnojit eará bearráigeahččanvejolašvuođat
- Mun gal ádden dan ahte ferte muhtin láhkai bearráigeahččat mo ruđat geavahuvvojit, ja ahte galgá leat vejolaš bidjat gáibádusaid dasa mo ásahusat jođihuvvojit. Muhto dan ii čoavdde dakko bokte ahte Sámediggi váldá badjelassat ásahusaid stivrenovddasvástádusa. Dan sadjái go bágget čađa Sámediggái stivrenválddi, de livčče olu buoret baicce bidjat gáibádusaid organiserenhápmái ja ásahit buriid rapporterenrutiinnaid das mo ruđat geavahuvvojit. Dán láhkai sáhttá Sámediggi bearráigeahččat, seammás go ásahusain ain doalahit iešstivrejumi ja dakko bokte maid bisso báikkálaš bargomovtta, čállá Randi iežas bloggas.
Loga olles bloggačállosa dás.
Kommenter denne artikkelen
Tips en venn Gå tilbake