- Dán dieđáhusa oktavuođas lea sámediggeráđđi dahkan erenoamáš heajos barggu. Dieđáhusas leat olu váilevašvuođat ja go ođđa árvalusaid buktet de eai leat daiguin vuđolaččat bargan. Ásahusdieđáhus máinnaša eanaš organiseren ja stivrenbeliid. Ii celko olus dan birra mo sámediggeráđđi oaivvilda ahta ásahusat galget bargat ja ovdánit. Sis orru leamen dakkár oaidnu ahte sisdoallu ii leat nu dehálaš nu guhkká go Sámediggi beassá stivret, cealká Mikalsen.
Liiggás fápmoáŋgirvuohta
Dieđáhusas evttohuvvo ahte earret eará Ája sámi guovddáš, Riddu Riđđu ja Lásságámmi oktiičaskojit ja šaddet almmolaš OS:n. Go Riddu Riđđu dál lea ožžon guovddášstáhtusa de gártá olles dát ođđa ásahus guovddášásahussan. Dán vuođul evttoha Sámediggeráđđi ahte Sámedikkis galget lea beali stivraáirasiin ja vel stivrrajođiheaddji.
– Gal dát orru liiggás fápmoáŋgirvuohta sámediggeráđis, moaitá Mikalsen.
Eai leat muitán suoma beal Sámi
Mii guoská Lásságámmái, gii hálddaša Áillohačča árbbi vuoigatvuođaid, de mielddisbuktá oktiičaskin váttisvuođaid. Earret almmolaš ásahusaid de leat árbbolaččain ja Sámeráđis sadji otná stivrras. Ii leat vuogas sin hoigadit eret dákkáraš nuppástuhttima bokte.
Lea han nu ahte árbbolaččat ja Sámeráđđi ovddastit suoma beal Sámi gos Áillohaš eanaš áiggi ásai.
Kommenter denne artikkelen
Tips en venn Gå tilbake