RSS-feed

Velg språk!
Utskriftsvennlig versjon Badjelgehččet sámediggeáirasiid
NSR miellahttut bajásšaddan- ja oahpahuslávdegottis válljejedje baicce leat guldaleaddjin eará lávdegottiin maŋŋá go ledje gearggehan iežaset čoahkkimiin.
NSR sámediggejoavku oaivvilda leat heahpadin go Sámedikki Bajásšaddan- ja oahpahuslávdegoddi dán vahko lei gohččojuvvon čoahkkimii Kárášjohkii dušše fal gieđahallat 1 – ovtta cealkaga. Lei biddjon vihtta beaivvi ášši gieđahallamii. Muhto lávdegoddi ii áddjánan go vihtta minuhtta gieđahallat ášši, ja dál fertejit sámediggeáirasat fuobmát eará hommáid.

Almmuhuvvon: 23.09.2008

- Mii dovdat ahte badjelgehččet min go duššái geavahit min máhttu ja áiggi. Mis leat lávdegottečoahkkimat dušše njelljii jagis, ja leat olu dehálaš áššit mainna berrešeimmet bargat. Danin min mielas lea nu surgat go midjiide ii boađe go unna gurgalus gieđahallamii ja dasa lassin lea sisdoallu áibbas diehttelas, cealká sámediggeáirras John Harald Skum (NSR).

Eai leat politihkalaš áššit?

Sáhttá divvut gažaldaga ahte lea go nu ahte Sámedikki unnitloguráđđi ii nákce ovddidit politihkalaš áššiid, vai lea go nu ahte sii dihtomielalaččat válljejit ahte eai buvtte politihkalaš áššiid gieđahallamii Sámedikki dievasčoahkkimii.

Ášši mainna lávdegoddi gearggai viđa minuhttas lei gáibádus listaevttohusaid sohkabealjuogadeapmái 2009 sámediggeválggas: “Sámediggeválgga láhkaásahusa § 28 c vuoigatvuođavuođul galget jagi 2009 sámediggeválgga listaevttohusat ollašuhttit dan gáibádusa ahte goappašat sohkabeali galget leat ovddastuvvon uhcimusat 40 proseanttain jus galget dohkkehuvvot.”




Kommenter denne artikkelen    Tips en venn  Gå tilbake

Kommentarer:
Áibbas heahpat av Soames suhttan áhkku 23.09.2008 22:30
Áibbas duohta go Rita-Alise Porsanger gullui sámi radios dadjamin ahte dát lea heahpat. Orui leamen hui vuollánan ja šállošeamen go ná lea dilli. Na, mun dajan seammá go Rita-Alise. Dát lea heahpat. Muhto mii diehtit movt lea. NSR lea suddjen daid Sámediggebargiid ja ieš bargan ja bargan ja čállán ja ráhkadan áššid vai máilbmi ii fuomáš man unnán áššiid Sámedikki bargit nákcejit ráhkkanit. BBs eai leat seamma buorit ressursat. Dál boahtá oidnosii. Ja go BB viimmat ovddida ovtta ášši, na institušuvdandieđáhusa, de lea soames buiga dáčča dan čállán doppe Sámedikki hálddahusas. Ii dieđe maidege ásahusaid birra.
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda
NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund
Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 * nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat: Interkodex A/S