RSS-feed

Velg språk!

Utskriftsvennlig versjon Guokte ođđa NSR-searvvi
Karen Anna Sara, Mjøsaguovllu sámiid searvvi jođiheaddji.
NSR riikkastivra lea dohkkehan guokte ođđa sámiid searvvi gullevašvuođa Norgga Sámiid Riikkasearvái (NSR). Nubbi Helgelánddaguovllu sámiid searvi ja nubbi Mjøsaguovllu sámiid searvi. NSR-riikkastivra lea maid duhtavaš go Ranen sámiid searvi fas lea doaimmas.

Almmuhuvvon: 13.08.2008

- Mii illudit go aittoálggahuvvon sámiid searvvit háliidit searvat Norgga Sámiid Riikkasearvái (NSR), cealká jođiheaddji Silje Muotka. Lea oalle ollu bargu jođihit servviid eaktodáhtolaččat ja nuvttá bargguin, da danne lea buorre gullat ahte ollu olbmot leat háliidan searvat ođđa servviide.

Mjôsan Dajve Saemien Siebrie Mjøsaguovllus

Mjôsan Dajve Saemien Siebrie/Mjøsa sámiid searvi ásahuvvui cuoŋománus 2008. Ođđa searvi lea čoahkkinastán Oslo sámiid servviin ja Sámi oahppolihtuin SOL ja jearran buriid rávvagiid movt galgá jođihit kurssaid ja oažžut sihke sámevuođa oidnosii Mjøsaguovllus.

Mjösan dajve saemien siebrie jođiheaddji lea Karen Anna Sara ja nubbejođiheaddji lea Irene Hagemoen. Stivralahtut leat Dagfinn Birkely Andersen, Eli Leistad Amundsen, Rita Danielsen Benrud ja Undis Steinfjell Gundersen.

Maadtoej Sijte-NSR Helgelánddas

Maadtoej Sijte-NSR lea Helgelándda sámiid searvi.

- Mii leat soames sápmelaččat geat leat hállan ahte galggašii leat sámiid searvi dáppe. Mis lea áigumuš searvat sámediggeválggaide 2009. Danne mii háliidit gullevašvuođa Norgga Sámiid Riikkasearvái, muitala Ole Henrik Kappfjell. Irja Kappfjell lea nubbejođiheaddji ja Ivar Toven lea ođđa searvvi stivralahttu.

NSR parlamentáralaš nubbejođiheaddji ja Sámedikki opposišuvnnajođheaddji Aili Keskitalo (NSR) ja sámediggeáirras ja dievasčoahkkinjođiheaddji Jarle Jonassen leigga ásahančoahkkimis ja sávaiga ođđa searvái lihkku bargguin.

 - NSR-riikkastivra lea formálalaččat dohkkehan ođđa serviid gullevašvuođa ja sii leat bures boahtin NSR riikkačoahkkimii, guvttiin áirasiin, muitala NSR-jođiheaddji Silje Karine Muotka.





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S