Avtale om samarbeid på Sametinget
- norsk, nordsamisk og sørsamisk versjon (word-fil)
Latjkoe gaskem Nøørjen Saemiej Rijhkesiebrien (NSR) jïh Åarjel Læstoen ektiebarkoen bïjre Saemiedigkesne Saemiedigkieboelhkesne 2005-2009
Åarjel Læstoe sæjhta goh jijtse tjiertine årrodh, bene sæjhta aktine NSR'en jïh jeatjebigujmie årrodh ektie-tjåanghkojne mejgujmie ektie-barkoem åtna. Sjïere latjkoem dorjesåvva guktie edtja ektie-åaside maeksedh.
Åarjel Læstoe sæjhta Kultuvre jïh jielemedåehkesne meatan årrodh jis orre dåehkieh nuara.
Åarjel Læstoe edtja meatan årrodh lïhtsegh båatsoen dajveståvrojde åarjel-saemien dajvesne moenedh.
Åarjel Læstoe edtja aaj gihtjelgidh uvtelassi bïjre gosse edtja lihtsegh jeatjah dåehkide, ståvrojde jïh plearoeh moenedh, gosse åarjel-saemien aamhtsi bïjre.
Åarjel Læstoe sæjhta annje vielie sæjjasadtjine Dåarjoe-ståvrosne årrodh.
Latjkeme daejtie potihken aamhtside evtiedidh daennie boelhkesne:
- Dajve-vaarjelimmieh båatsoe-jielemisnie, joekoen bigkeme/darjome-aamhtsh båatsoe-dajvine.
- Barkedh guktie båatsoe-jieleme jïjtje åådtje båatsoen bïjre raeriestidh, jïh båatsoe-burriej reaktah gorredidh.
- Barkedh guktie nyjsenæjjah jïh noerh buerie tsiehkieh båatsoe-jielemisnie åadtjoeh, vuesiehtimmien gaavhtan båatsoe-latjkoen jïh båatsoe-laaken tjïrrh.
- Barkedh guktie saemieh buerebe dijpieh ovjuvre-politihkesne åadtjoeh, dovne ovjuvre-reereme jïh maeksemeøørnegh.
- Barkoem starne jïh –sosijaale-aamhtsidie åarjel-saemien dajvesne gorredidh, vuesiehtimmien gaavhtan dåarjoem vedtedh juktie faage-almetjh nuepiem åadtjoeh viermiem dej gaskemsh bigkedh.
- Bievnesh Saemiedigkien beetneh-vierhtiej jih darjoeji bïjre åarjel-saemien dajvesne gorredidh.
- Barkedh ektiebarkoe-latjkoen tjïrrh, fylhketjïeltigujmie åarjel-saemien dajvesne, guktie buerebe bievnesh reaktaj jïh faaleldahki bïjre åarjel-saemide båetieh.
- Barkedh guktie jeatjah byjjes goevtesh buerebe reaktah jïh faaleldahkh åarjel-saemide bievnieh.
- Barkedh ektiebarkoe-latjkoen tjïrrh, fylhketjïeltigujmie åarjel-saemien dajvesne, guktie learohkh mah barkoe-faagh lohkeminie maehtieh øøhpehtimmiem saemien-gïelesne dåarjodh.
- Barkedh ektiebarkoe-latjkoen tjïrrh, fylhketjïeltigujmie åarjel-saemien dajvesne jïh øørneginie saemien jåarhke-øøhpehtimmine, buerebe ektie-barkoem åarjel-saemien øøhpehtimmiejgujmie buektiehtidh.
- Vuejnedh guktie straategiske learoevierhtie-soejkesje maahta barkoem åarjel-saemien learoevierhtiejgujmie gorredidh.
- Barkedh guktie åarjel-saemieh jeananieh dovne sïejhme lohkehtæjja -jïh aarh-lohkehtæjja-øøhpehtæmman , vuesiehtimmien gaavhtan vuartasjidh guktie beetnehviehkieh orreme, jïh aaj dialogen tjirrh HiNT'ine, HiNe'ine, Saemien Jïlleskuvline jih Maahtoe-departemeentine.
- Barkedh guktie tjïelkebe vååjnoe gusnie diedte lea, åarjel-saemien jïllebe øøhpehtimmesne, jïh olles beetnehvierhtie-øørnege jïllebe øøhpehtæmman nåake sjædta åarjel-saemien øøhpehtimmie-faaleldahkide.
- Jienebh meedija-faaleldahkh åarjel-aemien dajvesne gorredidh, dovne vielie saernie-saadtegh raadijovesne jïh vielie TV-saadtegh maanide jïh noeride.
- Barkedh guktie jienebh duedtie-learohkh jïh jienebh duedtie-faagese sjidtieh, jïh aaj buerebe tsiehkiem duedtie-jielemasse åarjel-saemien dajvesne buektedh.
Latjkeme politihken evtiedimmien jïh daaletje aamhtsi bïjre sinsitniem buerie-laakan bievnedh.
Åarjel Læstoen åvteste Nøørjen Saemiej
Kirsten Appfjell Eira
Rijhkesiebrien (NSR) åvteste
Aili Keskitalo
Nordsamisk versjon
Kommenter denne artikkelen