Oslo Sámiid Searvi-NSR bovde čakčafestii Slurpen nammasaš olgobáikkis Oslos lávvardaga skábmamánu 2006 diibmu 19:00-02:00. Čujuhus lea Lakkegata 79 (mana sisa Sarsgtates). Árbevirolaš borramuš, quiz ja musihkka. Buohkat bres boahtin.
Loga eanet
10.11.2006 |
Máilmmi vuosttaš sámi mánáidgárdi lea heaittihuvvon ja buohkat bovdejuvvojit muittašit ja ávvudit máŋggaid jagiid mánáidgárdedoaimma čakčamárkkain Gilivisttis Fanasgiettis lávvardaga skábmamánu 18. beaivvi, muitala sámesearvvi jođiheaddji Trond Are Anti.
Loga eanet
08.11.2006 |
Gáivuona Sámesearvi-NSR doallá miellahttočoahkkim Ája sámi guovddáža lanjain Olmmáiváikkis gaskavahku skábmamánu 8. b. dii. 19.30. Ollu politihkalaš áššit ja vejolaš ávvudeapmi leat áššelisttus, muitala sámesearvvi jođiheaddji Tor Mikalsen.
Loga eanet
07.11.2006 |
Davviriikkaid Ráđđi berre doarjut davviriikkaid sámekonvenšuvnna ja váikkuhit dan ahte dat johtilit mearriduvvo, celkkii Aili Keskitalo Daviriikkalaš Ráđi 2006 sešuvnnas.
Loga eanet
06.11.2006 |
Sámi parlamentáralaš ráđđi lea ávžžuhan Suoma, Norgga ja Ruoŧa sámedikkiid ja ráđđehusaid doarjut davviriikkaid sámekonvenšuvdna-evttohusa, muitala Sámi parlamentáralaš ráđi sadjásaš jođiheaddji Aili Keskitalo.
Loga eanet
04.11.2006 |
Kárášjoga sámiid searvi-NSR doallá miellahttočoahkkima gaskavahku skábmamánus 1. beaivvi 2006. Dehálaš ášši mii ságastallojuvvo lea galgá go NSR cegget oktasaš listtu SáBain suohkanstivraválggaide, muitala Egil Utsi.
Loga eanet
30.10.2006 |
Sámediggeráđđi buktá dieđáhusa “Eamiálbmogiid boahtteáiggi ovddideapmi” Sámedikki dievasčoahkkimis 2006. - Mii fertet oažžut vuoigatvuođa, vejolašvuođa ja resurssaid searvat riikkaidgaskasaš bargui, dadjá sámediggepresideanta Aili Keskitalo (NSR).
Loga eanet
30.10.2006 |
Sámedikki presideanta Aili Keskitalo (NSR) lea dán vahkus leamaš olgoriikaministara Jonas Gard Støre ja Norgga delegašuvnna fárus Árktalaš ráđi ministtarčoahkkimii Salekhardas Ruoššas. - Dehálaš lea nannet eamiálbmogiid searvama Arktalaš ráđis, cealká son.
Loga eanet
27.10.2006 |
Ovddeš sámedigge-presideanta, Ole Henrik Magga (NSR), lea nammaduvvon Gonagaslaš St. Olav Orden kommandevran. Medálja geigejuvvo Sámi allaskuvllas Guovdageainnus disdaga golggotmánu 31. beaivvi 2006.
Loga eanet
27.10.2006 |
Dássážii leat Nuorra álggaheaddjit (Ungt Entreprenørskap) ja sámi ásahusat unnán ovttasbargan. Sámediggi berre sihkkarastit sámi dimenšuvnna riikkadási entrepenenevravuoda á?giruššamis, cállá NSR-jodiheaddji Silje Muotka.
Loga eanet
27.10.2006 |
Harstad ja biras sámiid searvi-NSR lágida mátkki dološ sámi ássanbáikkiide sotnabeaivvi golggotmánu 28. beaivvi 2006, namalassii Høgåsen ja Leikvikfjellet nammasaš báikkiide.
Loga eanet
26.10.2006 |
ON eamálbmotjulggáštus dohkkehuvvo várra dán čavčča. Dehálaš lea ahte Norga, ja eará davviriikkalaš stáhtat, váldet ovddasvástádusa proseassa ollašuhttimis ja oskkáldasat bissot dan oainnus mas sii leat leamaš, čálliba sámediggepresideanta Aili Keskitalo ja NSR-jođiheaddji Silje Muotka.
Les mer her
26.10.2006 |
Iinna ja Biras Sámiid Searvi-NSR stivra sihtá sámi TV-fálaldaga Davvi Nordlánddas ja Lulli-Romssas márkosámi ássanguovllus. - suopmana árvu nannejuvvo ja min guovllu jienat berretji gullot sihke radio ja TV-bokte, cealká sámesearvvi jođiheaddji May-Tove Johnsen.
Loga eanet
23.10.2006 |
Káre-Ellen Partapuoli lea Norgga Sámiid Riikkasearvvi (NSR) riikkastivrra evttohusa mielde válljeuvvon Aile Javo ođđa sadjásaš lahttun Sámiráđis. NSR lea nugohčoduvvon NGO ja leat guokte áirasa Sámiráđis.
Les mer her
23.10.2006 |
- Sávan lihku Harald Gaskii ja Jouni Moshnikoffii. Dán jagi giellabálkkašumi vuoiti guovttos leaba máŋgga láhkai sámi ja riikkaidgaskasaš giellabarggu áivanat, dajai sámedigge-presideanta Aili Keskitalo (NSR) sártnistis bálkkašumii geigendilálašvuođas.
Loga eanet
19.10.2006 |
Hálddašanreforbma lea juo álggahuvvon ja galgá čađahuvvot golmma jagi siste. Reforbma váikkuha eahpitkeahttá sámi servodagaide, Norgga Sámiid Riikkasearvvi (NSR) joavkojođiheaddji Sámedikkis Lene Hansen (NSR).
Loga kronihka
16.10.2006 |
Sámediggi oaivvilda ahte bivdofatnasiid ođđais struktrueren ferte bissehuvvot dassážiigo sámi vuoigatvuođat mearraresurssaide leat identifiserejuvvon ja dohkkehuvvon. Sámedikki ráđđelahttu Randi A. Skum oaivvilda ahte livččii eahpegovttolaš jus Norgga eiseválddit ovttabeallásaččat rievdadit vuoigatvuođadili rittu deaŧaleamos ealáhusas.
Loga eanet
12.10.2006 |
Sámediggeráđđi evttoha nannet juolludemiid sámi kultuvrii 9,9 miljon ruvnnuin boahtte jagi bušeahtas. 5 miljon ruvnno evttohuvvo guovttegielalašvuođa nannemii, ja 1,8 miljon ruvnno fas juolluduvvo sámi ásahusaid ja organisašuvnnaid nannemii.
Loga eanet
12.10.2006 |
NSR-nuoraidlávdegotti jođiheaddji ávžžuha nuoraid searvat Sámedikki nuoraid-konferánsii 27.10 – 29.10 Girkonjárggas. Fáddá: Sámi ealáhusat ja ealáhushutkan.
Sámedikki nuoraidkonferánsa
10.10.2006 |
Norgga Sámiid Riikkasearvvi (NSR) riikkastivra lea hui duhtavaš go davviriikkalaš ovttasbargu galgá šaddat álkkit. Das lea stuorra mearkkašupmi min beaivválaš eallimis, oaivvilda NSR riikkastivra mii čoahkkinasttii vahkkoloahpa.
Les mer her
09.10.2006 |
Sámi parlamentáralaš ráđđi doallá eahkes čoahkkima presideanttain José Manuel Barroso, gii lea EU kommišuvnna jođiheddji, muitala sámediggepresideanta Aili Keskitalo (NSR).
Loga eanet
05.10.2006 |
Oslo sámiid searvi-NSR doallá miellahttočoahkkima gaskavahku golggotmánu 11. beaivvi diibmu 19:00-21:00 Sámi Viesus, Akersgata 34, 7. geardi.
Loga eanet
04.10.2006 |
Romssa Sámi Searvvi-NSR stivra sihtá ahte Moskavuona ja Romssa sámi giellaguovddáš galgá ovdánit, cealká Anita Lervoll, Romssa Sámiid Searvvis.
Loga eanet
02.10.2006 |
Sámediggeáirras Rita-Alise Porsanger (NSR) lea čalmmustan mearraluossabivddu ja jearran Sámedikkis mo buoremusat áimmahuššat mearraluossa-bivddu sin várás geat ellet ja ásset vuonain.
Loga eanet
02.10.2006 |
Ann-Mari Thomassen šaddá ođđa ráđđelahttun Sámedikkiráđis go ráđđelahttu Randi A. Skum álgá permišuvdnii skábmamánu álggos.
Loga eanet
29.09.2006 |
Sámi filmmat, seamma dásis go Norgga filmmat, berrejit institutionaliserejuvvot iežaset ulbmiliiguin ja ruhtaduvvot almmolaš ruđaiguin: Nu evttohii NSR Sámediggeáirras, Klemet Erland Hætta, sámedikki dievasčoahkkimis dán vahku.
Les mer her
28.09.2006 |
Dál livččii dárbu čielggadit viessosadjeláigolága lonistannjuolggadusaid Nordlánddas ja Romssas. Dan evttohii NSR sámediggeáirras, Roger Pedersen, Sámedikki dievasčoahkkimis.
Les mer her
28.09.2006 |
Njunušpolitihkkárat orrot mahkáš leamen ovttaoaivilis das ahte mohtorjohtolatlága galggašii rievdadit vai vel eambbosat sáhttet vuodjit meahcis, cállá NSR jodiheaddji Silje Karine Muotka lohkkiidreivves.
Lohkkiidreive
27.09.2006 |
Dás lea vejolaš čuovvut Sámedikki dievasčoahkkima radio bokte. Dievasčoahkkin álgá kl. 09.00 distaga čakčamánu 26. b ja loahpahuvvo ovdal dii. 15.30 duorastaga čakčamánu 28. beaivvi 2006. Lea NRK Sámi Radio mii sádde jiena Sámedikki dievasčoahkkimis.
Gula dievasčoahkkima
26.09.2006 |
Sámediggeráđđi lea duđavaš, go Meavkki orohat ja Oskala siida, Suodjalushuksehus ja Eanansuodjalusa fámut leat eaktodáhtolaččat soahpan molssaevttolaš sajis ovttastahttit Meavkki ja Arvenjárgga báhčin- ja hárjehallanguovlluid.
Loga eanet
23.09.2006 |
Sámi oahppolávdegotti SOL studierektor, Henrik P. Hætta, čállá dán kronihkas Sámi ollesolbmooahpahusa birra ja mo dat lea earálágán go ollesolbmooahpahus sámiide, ja mo manná árbevirolaš duddjonmáhtuin boahttáiggis.
Loga kronihka
21.09.2006 |
NSR sámediggejoavku lea čállán rabas reivve Justis- ja politiija-departementii mas ávžžuhit sámi perspektiivva váldit mielde prošektii ”Barnas Hus”. Mediačállosat Guovdageainnus livčče galgan fuomášuhttit sin, oaivvilda Rita-Alise Porsanger NSR sámediggejoavkkus.
Loga eanet
20.09.2006 |
NRK Sámi Radio lea almmuhan oaiviliskkadeami mii čájeha ahte Norgga Sámiid Riikkasearvi (NSR) livččii manahan eanetlogu los válggat livčče lean dál. Sámedikki presideanta Aili Keskitalo cealká ahte NSR lea čađaheamen NSR politihka juste nu mo celkojuvvui válgagiččus.
Loga eanet
20.09.2006 |
Beaivváš Sámi Teáhter čájeha bihttá "LONUHUS" Finnmárkku allaskuvlla kultursáles Álttás distaga golggotmánu 10. beaivvi 2006 diibmu 18.00. - Mii leat rámis ja ilus, dadjá Brita Juliane Skum Álttá Sámiid Searvvis.
Loga eanet
19.09.2006 |
Sámedikki doarjjastivrra jođiheaddji Ann-Mari Thomassen (NSR) muitala ahte doarjjastivra lea doallan čoahkkima Ákšovuonas árat dán mánus. Dán čoahkkimis juolluduvvui badjelaš 1 miljon ruvnno doarjjan ealáhusulbmiliidda ja vel ruhta sámi mánáidgárddiide.
Les mer her
19.09.2006 |
Sámediggeráđđi deaivvada odne Filippiinna mangyan-álbmoga ovddasteaddjiiguin. Čoahkkima ulbmil lea váikkuhit ahte eamiálbmogiid vuoigatvuođat fuolahuvvojit Crew Gold nammasaš fitonodaga nihkkelrogganplánaid oktavuođas Mindoros, Filippiinnain.
Les mer her
18.09.2006 |
- Dál leat báhcán dušše moadde guovllu mas čearru ja orohat eai leat soabadan. Dainna mii berret leat hui duhtavaččat, cealká Norgga-Ruota ođđa boazoguohtunkonvenšuvnna šiehtadallanjoavkku lahttu, Randi Skum (NSR).
Les mer her
18.09.2006 |
Sámedikki ovddeš presideanta Ole Henrik Magga (NSR) oažžu olmmošvuoigatvuođabálkkašumi. Oslo universitehta áigu gudnejahttit Magga barggu olmmošvuoigatvuođaiguin.
Loga eanet
15.09.2006 |
Kronihkas čállá Tor Mikalsen, NSR sámediggeáirras Davvi-Romssas oljobohkkamiid birra ja Norgga ovddasvástádusas birasáššiin. Kronihkka lea leamaš Dagbladet aviissain ja ollu eará aviissain.
Loga kronihka
15.09.2006 |
NSR sámediggeáirras Davvi-Romssas Tor Mikalsena cealká ahte Statsskog ii berre hirbmadit huksegoahtit Ivgovuovddis dál. – Sámi vuoigatvuođalávdegoddi 2 lea gárvvisteamen barggus, ja Statskog badjelgeahččá min go juste dál dieđiha ahte áigu huksegoahtit.
Loga eanet
15.09.2006 |