Sámi parlamenáralaš ráđđi deaivá maiddái guokte jođiheaddji EU parlamentta čieža stuorámus politihkalaš joavkkus - Graham Watson (Alliansen af Liberaler og Demokrater nammasaš joavkku jođiheaddji) ja Monica Frassoni (De Grønne nammasaš joavkku jođiheaddji). Dollojuvvo maid čoahkkin Davvi-Ruoŧa, Davvi-Suoma ja Davvi-Norgga guovlokantuvrraiguin. Ulbmil čoahkkimiiguin lea oažžut buoret oktavuođa EU:ii, ovddidit sámepolitihka luondduvalljodatgeavaheami, davviguovlluid ovdánahttinplánaid, Davviriikkalaš sámekonvenšuvnna ja ruoššabeale sámiid dilálašvuođa ja riektadili ektui.

- Lea dehálaš ahte sámit eamiálbmogin ožžot jienaset gullot EU:as. Sámit ásset EU-riikkain Ruoŧas ja Suomas, ja Norga lea mielde EØS-ovttasbarggus. Dan dihte lea lunddolaš ahte Sámi parlamentáralaš ráđđi hukse oktavuođaid ja ovttasbarggu EU-vuogádaga siskkobealde, lohká sámediggepresideanta ja Sámi parlamentáralaš ráđi lahttu Aili Keskitalo.

Sámi parlamentáralaš ráđđi lea Norgga, Ruoŧa ja Suoma sámedikkiid ovttasbargoorgána. Sámiráđis ja Ruošša beale sámiin lea áicisadji ráđis. Ráđi bargui gullet áššit mat gusket sámiide rastá riikarájiid. Davviriikkalaš ovttasbarggu ulbmil lea oktiiordnet sámiid jiena riikkaidgaskasaččat ja erenoamážit riikkaidgaskasaš eamiálbmotpolitihka ektui. 

(Gáldu: Sámedikki preassadieđáhus)

Gulahallanolmmmoš:

Aili Keskitalo aili.keskitalo@samediggi.no mátketlf. + 47 97129305