NSR lea diibmá juo hilgon šiehtadusa Ráđđehusa ja Sámedikki gaska mii guoská čuovvolit Riddoguolástuslávdegotti evttohusa dáiguin ákkastagaiguin:

1. Šiehtaduvvon evttohus šiehtadussii ii árvvusane daid historjjálaš rivttiid mat min álbmogis leat guolásteapmái.
    
2. Sámedikkis ii leat ollislašfápmu šiehtadallat eret historjjálaš rivttiid guolástit min álbmoga ovddas.
    
3. Šiehtadus ovddasta hilguma Ridduguolástusalávdegotti ovttajienalaš evttohusa.
    
4. Šiehtadus ii leat álbmotrivttiid unnimusstandárda siskkobealde.
    
5. Fátmmastit šiehtadussii sáhttá atnot sámi vuoigatvuođaeaiggadiid vuosttá, ja eará álgoálbmogiid sullasaš vuoigatvuođaiguin boahttevaš riekteproseassain.
    
6. Vejolaš doaimmaid nannendihte dili mearrasámi guovlluin sáhttá dahkkát vaikko eai šatta láhkarievdadusat

NSR oaidná ahte dát vuođđudusat čuččot ain. NSR šálloša garrasit go vánis eanetlohku Sámedikkis mearridii šiehtadusa. (Dál go proposišuvdna lea gárvvis ollislaččat berre leat vuođđu váldit ášši fas bajás Sámedikkis ođđa meannudeapmái.) NSR šálloša maid go presideanta Egil Olli šiehtadusa máidnu, iige namutge buot daid várrehusaid maid vánis eanetlohku bijai šiehtadussii.

Egil Olli ja Bb lea ovdal cealkkan ahte Sámediggi galgá bargat viidáseabbo áššiin Stuoradikki ektui ja gaskariikkalaš orgánaide, cuiggoda Geir Tommy Pedersen, nubbinjođiheaddji Sámedikki Kultur- ja ealáhuslávdegottis ja parlamentáralaš nubbinjođiheaddji NSRas. – Makkár luohttevašvuohta lea sus dán áššis go son illuda iige jurddaš várrehusaid birra? Movt sáhttá son dál kritihkalaš leahket Ráđđehusa hilgumii, go son medias ovdanbuktojuvvo dáinna lágin?

NSR gáibida čielggadeami mii lea Sámedikki strategiija dán áššis, sihke Stuoradikki ektui ja gaskariikkalaš orgánaide, ja áigu bivdit dán Sámedikki dievasčoahkkimis cuoŋománus.

NSR áigu maiddái ovdanbidjat ođđa meannudeami Borjadat evttohusa – sierra vuoruheapmi sihkarastindihte mearrasámiid riektevuođu. Dát evttohus hilgojuvvui Sámedikki eanetlogus bušeahtta 2012 meannudeami vuolde juovlamánus diibmá, dainna ákkastallamin ahte ášši ii lean loahpalaččat meannudan Stuoradikkis. Dás sáhtát lohkat Borjadaga birra ja NSRa bušeahttaevttohusa.

Evttohus maid ráđđehus lea bidjan ovdan duođašta ahte lea dárbu viidáseabbo bargat sihkarastindihte mearrasámi kultuvrra riektevuođu, dadjá NSRa nubbinjođiheaddji Gunn-Britt Retter. – Borjadat lea min vástádus dán hástalussii. Dat lea prošeakta mas lea ulbmil hukset ovttasbargoguimmiid našunála ja gaskariikkalaš dásis, sihkarastit riektevuođu ja vuođu ovdánit mearrasámi guovlluin. Mii ovddidit dán evttohusa ja bivdit ođđa meannudeami Sámedikkis.

Gulahallanolbmot:

Geir Tommy Pedersen, 915 43 995

Gunn-Britt Retter, 913 59 222

-----------

På norsk/ Dárogillii