Muotka háliida dáinna čuvget daid váttisvuođaid maid giellahálddašansuohkanat vásihit daid ruđalaš beliid oktavuođas. – Sámediggi berre oainnusindahkat buot beliid mat gusket go lea mielde sámi giellahálddašanguovllus dakkár váikkuhusguorahallamin, dadjá Muotka. – Mun hirpmástuvan sakka jus guorahallan muitala ahte lea eará go dušše positiivvalaš bealit suohkanii leat mielde hálddašanortnegis.

Ollu oktavuođain dadjo ahte hálddašansuohkanat eai oaččo doarvái ruđaid nu ahte besset bearráigeahččat iežaset barggu go lea hálddašansuohkan, ja dat galgá dieđusge váldot duođalažžan, dadjá son. – Muhto rehketbihttá lea čatnon máŋga dilálašvuhtii, ja daid berre Sámediggi veahkkin bidjat ovdán. Muotka oaivvilda váikkuhusguorahallan attašii ollislaš gova maid giellahálddašanortnet mielddisbuktá báikkálaš servvodahkii.

-Mii leat máŋgemuš áiggiid oaidnán olu digaštallamiid stuorat gávpogiin maid giellahálddašanguovllu mielddisbuktá. Ja daid oktavuođas leat digaštallamat mat gusket ekonomalaš váikkuhusaide bidjon váttisvuohtan. Muotka joatká: - Viidáseabbo lea maŋŋel suohkanválggaid šaddan áigeguovdil hástalus dat go muhtin hálddašansuohkanat leat digaštallan jus galggašii geassádit sámi giellahálddašanguovllus. – Mun jáhkán buohkat fertejit veahkehit gilvit ipmárdusa dán ortnega birra, muhto maiddái makkár buori váikkuhusaid ortnet addá, leat dehálaš bealit dakkár debáhtain, loahpaha Muotka.

-------------

På norsk / Dárogillii