RSS-feed

Velg språk!

Utskriftsvennlig versjon Indigee manná loahpáguvlui
Go lei konferánsa Naryan Maras besse entrepreneuvrrat deaivvadit nugovčoduvvon "Dragons´ain" geat galge fitnodatplánaid veardadallat 1 minuvttasaš ovdanbuktima vuođul.
Indigee- mii lea Indigenous entrepreneurship oanádus mas badjel 70 nuorra entrepreneuvrrat oassálastet. Dát lea rájáidbadjel fitnodatovdánahttin prošeakta mii galgá láhčit dili álggahit fitnodagaid mainna birge davviguovllui. Prošeavtta ulbmil lea buktit eambbo entrepreneuvrraid Barentsguovlui main lea álgoálbmotkultuvra vuođđun.

Almmuhuvvon: 09.02.2012

Indigee – indigenous entrepreneurship lea prošeakta maid Davviriikalaš searvvit eaiggáduššet ja doaimmahit. Riikaidgaskasaš Barents čállingoddi álggahii barggu ja leat ožžon ruhtadeapmi Dánmárkku olgoriikadepartemeanttas ja WGIPas. Searvvit mat oassálastet ja gos earet eará fitnodatráđđeaddit leat buktojuvvon bohtet Ruoŧa Sámi Riikasearvvi (SSR), Norgga Sámiid Riikasearvvi (NSR), Suoma Sámiid Guovddášsearvi (SSG) ja álgoálbmotsearvvit Ruoššas, Nenetsa searvi Yasavey.

Loga miellahttuservviid birra dás ja sii geat leat ruhtadan prošeavtta dás (vuolemusas). 


 

Indigee prošeakta duogaš

Sámit, Nenetsat, Komit ja Vepsárat leat álgoálbmogat Bárents guovllus. Industriála ovdáneapmi ja luonddu riggodagaid háhkan davviguovlluin dagaha ahte Barentsguovlu dál vásiha ekonomalaš lassáneami. Ja dát ovdáneapmi lea juste álgoálbmot árbevirolaš guovlluin ja dat váikkuhit álgoálbmot eallinvuohkái ja servvodahkii.

Álgoálbmot árbevirolaš gávppašeapmi lea unnon go ollu eatnamat gáibiduvvojit industriálalaš ovdáneapmái. Dát lea okta oassi mii dagaha sosio-ekonomalaš váttisvuođaid nugo bargguhisvuohta, jugešvuohta ja eará váttisvuođat maid álgoálbmogat miehtá máilmmi vásihit. Nubbi oassi mii dagaha heajos dili lea vealaheapmi maid álgoálbmogat vásihit eiseválddiin ja eará institušuvnnaid bokte main lea ruhta beroštumit álgoálbmuid eatnamiidda. Danin lea Indigee prošeakta mas lea ulbmil háhkat eambbo bargosajiid dehálaš reaidu nanusmahttit ja ovdánahttit álgoálbmot servvodagaid.

Prošeavtta váldoulbmil lea lassanahttit fitnodagaid, bargguid háhkat ja ožžodit rájáidbadjel ovttasbarggu álgoálbmotnuoraid gaskkas.

 

Movttiduvvon entrepreneuvrrat

Indigee – indigenous entrepreneurship doaibma lea lágidan golbma konferánsa gos oasseváldit leat čoahkkanan iežaset fitnodatjurdagiid ovdánahtit. Davviguovllu álgoálbmotnuorat Norggas, Ruoŧas, Suomas ja Ruoššas leat mannan iešguđetge konferánsabáikái Barents guovllus. Maŋemuš konferánsa lei Naryan Mar gávpogii Ruošša bealde, mii lea Nenets iešstivren guovllus (Autonomy Okrug). Iežá konferánsat leat lágiduvvon Ánaris Suoma bealde ja Ruoŧa bealde Vilhelminas. Doppe leat nuorra entreprenaurat beassan oahppat jurddašit, hálddašit ja álggahit fitnodagaid. Maŋŋel Naryan Mar konferánsa galget nuorat birget ieža ja sis galget leat dat reaiddut mat dárbbašuvvojit fitnodaga jođihit. Nuorat leat movttegat ja mokta álggahit juoidá lea loktanan go lea beassan oahpásmuvvat ollu eará grundariiguin mat bohtet miehta Barentsguovllu. Fierpmádagaid hukset Bárents guovllus lea ge okta dain ulbmilin Indigee prošeavttain. Indigee entrepreneurraiguin lea šaddame nanus ja girjás fierpmádat mas sáhttet ávkkástallat go galget álgit márkanastit ja dahkat dovddusin iežaset fitnodagaid ja diehttelas vuovdalit iežaset gálvvuid ja bálvalusaid.

Loga movt nuorat besset nieguid ollašuhttit dáppe.

-----------------
På norsk / Dárogillii  





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S