Trainee vuosttaš čoahkkimis

Piera Heaikka Muotka (19 jahkásaš) lei speantta ja soaitá leat boahttevaš sámepolitihkar bođi Levdnjii oktan NSRa sámediggejoavkkuin čakčamánus 2011is su vuosttáš joavkkočoahkkimii. – Ledjen ožžon áššebáhpiriid ovdalgihtii maiguin ráhkkanin joavkkočoahkkimii, muitala Piera Heaika. Joavkkočoahkkimis beasai traineea válljet ášši maid háliidii čuovvut.

Dalle son vulggii Kárášjohkii dievasčoahkkimii čuovvut áššemeannudeami.

- Mun čuvvon ovtta diehto ášši olles dievasčoahkkima nu ahte ožžon buori ipmárdusa dasa, muitala Piera Heaika. – Lei ášši mas lei namma davviguovlluid sámi giellaovttasbargu. Álggos manaimet ášši čađa joavkkočoahkkimis, gos olles NSRa joavkku buvtti oaiviliid áššái. Dasto čuvvon dan frakšuvnna geas lei ášši ovddasvástádus viidásit gieđahallamii. Komiteavahkku vuolde meannuduvvui giellaovttasbargoášši komiteas gos buot bellodagain ledje áirasat, man mun maid čuvvon NSRa frakšuvnnain. Loahpas loktejuvvui ášši dievasčoahkkimis ja meannuduvvui, muitala trainee movt ášši gieđahallojuvvui.

Ášši mii gohčoduvvo davviguovlluid sámi giellaovttasbargu orru oalle stuora ja váttes ášši, muhto dát han lea ášši maid mii nuorat beaivválažžat dahkat, mii deaivvadit, gulahallat ja leat ovttas vaikko leatge riika rájit ja riikarájiid badjel, čujuha Piera Heaika. Piera Heaika dadjá ahte ii leat nu váttis ipmirdit dan politihkalaš giela nugo son lei doivon. Politihkalaš doahpagiid gal hui johtilit oahppa ipmirdit, ja lea oainnat sáhka dábálaš olbmuid birra, du ja mu. Lei gelddolaš oaidnit ahte ii leat nu stuora gaskka politihkalaš plánaid ja sámi árgabeaivválaš eallimis, dadja son.

Trainee čuovvu sámedikkejoavkku guovtte geardde

-Lei diehttelas gelddolaš čuovvut daid iešguđetge áššemeannudanproseassaid, muhto lei oalle lossat vuosttaš háve ipmirdit albmaládje movt dat doibmet, dadjá Piera Heaika.

- Muhto go lei loahpaguvlui manname de oidnen ahte jus livčče leamaš veaháš eambbo vásáhus dalle livččen vel eanet ipmirdan áššemeannudanprosessa mii álggahuvvui NSRa joavkkočoahkkimis ovdal dievasčoahkkima. Dát lea dieđusge buorre, go dat čájeha ahte lean duođai oahppan juoidá trainee áigodagas, dadjá doaimmalaš traineea.

Lea vejolaš čuovvut sámedikkejoavkku guovtte geardde. Vuosttaš háve beassá geahčadit, oahppat, čállit preassadieđáhusaid ja ođasmahttit sosiála mediaid. Nuppes dasto beassá teoriijas mannat praktihkalaš bargui ja vuđoleabbo bargat áššiiguin, nugo čállit mearkkašumiid ja jus heive maiddái bargat áššin maid NSRa sámediggejoavku sáhttá ovddidit ( ja mii dieđusge lea NSRa politihkka mielde). Dalle sáhtašii trainee ovddidit iežas váibmoášši, váikko leaš baikkalaš dahje nášunalalaš, ovdamearkadihtte báikkálaš nuoraidklubba heaittiheami birra, dahje váttisvuođaid maid vásiha go lea sámegielat oahppi dahje studeantta.

Háliidat go NSR boahtte traineeain-coahkkal dákko. 

-------------

På norsk / Dárogillii