Dál ferte sihkarastit sámi boarrasiidda Oslos ja birrasis árvodáhkadusa, dadja NSRa Sámedikkeáirras Kirsti Guvsámi gii ovddidi dán ášši geassemánus Sámedikkis.
- Guvsám evttohii ahte Sámediggi barga ásahahndihte pilotaprošeavtta Oslos, gos okta buohcciruoktuossodat oačču ovddasvástadusa sámi boarrasiidda fállat fuolahusa Oslos ja birrasis. Dakkáraš prošeakta sihkaraste doarvái máhtu bargiid gaskkas, ja adda buoret fálaldaga ovttaskas olbmui.
- Áhkku ja Áddja galgába beassat sámástit deaivvadeamis dearvvašvuođadivššariiguin. Lea dehalaš ahte boares olbmuid dárbbut áimmahuššojuvvojit árvvuin ja ahte sii besset atnit iežaset eatnigiela deaivvademiin dearvvašvuođadivššariiguin. Lea maid mávssolaš oaidnit oahpes bargguid ja diŋggaid, nugo oahpes biepmu, joatka Kirsti Guvsám.
-Pilotaprošeakta livčči dehalaš gávdnandihte buriid čovdosiid dakkár hástalusaide. Dál han leat ollusat boarasnuvvame, ja danin lea dehalaš dál juo duostut hástalusaid.
- Kirsti Guvsám sávva Sámedikkii válddašii ášši jođaneamos lági mielde. – Mis ii leat nu buorre áigi šat. Lea bálvalusfálaldat sámi boarrasiidda láhččojuvvo sin dárbbuide, loahpaha Kirsti Guvsám.
--------------
På norsk / Dárogillii
Kommenter denne artikkelen
Tips en venn Gå tilbake