Sámedikki Bajasšaddan-, fuolahus-, ja oahpahuslávdegotti lea meannudan boazodoalohálddašeami ášši Norggas. Lávdegoddi oaivvila ahte nuppásteapmi ferte bissehuvvot jođaneamos lági mielde. Ráđđehusa stádaráđi Brekk njunnožis celkkii preassadieđáhusa bokte stuora nuppástuhttima organiseremis ođđa boazodoalohálddašeami. Sámedikki ráđđadallama ja dieđiheami haga.

Ráđđadallanšiehtadus Ráđđehusa ja Sámedikki gaskkas lea ahte Ráđđehus lea geatnegahtton ráđđadallat Sámedikkiin sámi áššiide guskii gažaldagaid birra. Mii konstateret ahte šiehtadus lea botkejuvvon. Mii cuoiggodit maiddái ahte dieđut barggu birra leat dollon čihkkosis, vaikko Sámediggi ieš lea jearahan dieđuid. Mii eat dohkket dakkár gieđahallama, joatka Guvsám. 

Sámediggi ja Norgga boazosámiid riiksearvi (NBR) leaba ovttaoaivilis cegget lávdegotti mii galgá geahččat rievdádusaid hálddašeamis. Lea ovttaoaivilvuohta mandáhtas ja áirasiid birra dan lávdegoddái.

 -Min mielas lea hui dehalaš ahte lávdegoddi álga bargguin johttilit, ja dáhttut Ráđđehusa čuovvut Sámedikki ja NBRa oainnu dás. Lea dehalaš dakkár proseassain nu ahte boahttevaš hálddašeapmi boazodoalus galgá leat legitimitehta boazodolliin ieš. Danin oavvildit ahte ášši ferte eretbidjot eanandoalo- ja biepmudieđáhusas maid Ráđđehus fargga galgá ovdánbukti, loahpaha Kirsti Guvsám.

På norsk / Dárogillii