NSRa sámediggejoavku lea hui ilus go sihke SG (Sosialistálaš gurut) ja GB (Guovddášbellodat) dál dorjot dohkeheami sámiid ja earáid historjálaš rievttiid guolasteapmái Finnmárkus. NSRa sámediggejoavkus leat stuora vuordámušat ahte čoahkis ráđđehus doarju Riddoguolastuslávdegoddi evttohusa.
Riddoguolastuslávdegoddi, Carsten Smitha jođiheami vuolde, bijái ovdán ovtajienalaš evttohusa guovvamánus 2008. Riddoguolastuslávdegoddi deadduhii ahte historjálaš rievttit ja álgoálbmotrievttit addet álbmogii vuoigatvuođaid guolastusressursaide olggobeal Finnmárkkurittu. Lávdegoddi evttohii sierra Finnmárkuguolastusláhka, ja maiddái guovllu hálddašeapmi guolleressursaide.
NSRa sámediggejoavku vuordá dál ahte guolastusministar čielggada ráđđehusa posišuvnna áššis, ja deaivvada Sámedikkiin sihkarastindihte politihkalš ovttaoaivilvuođa movt dál galgá duođasdahkat Riddoguolastuslávdegotti evttohusa.
----------
På norsk / darogillii
Kommenter denne artikkelen
Tips en venn Gå tilbake