Lassi stipeanda

– Diehtit ahte lea dehálaš movttidahttit sámi nuoraid, geat vázzet joatkkaskuvlaoahpu, válljet sámegiellan fágan. Danin evttoha NSR lasihit stipeandda 500.000 ruvnnuin joatkkaskuvlaoahppu nuoraide, geat válljejit sámegiela fágan, dadjá Guvsám. – Lean ilus go NSR lea bušeahta šiehtadallamiin evttohan lasihit stipeandda joatkkaskuvlaoahppu ohppiide, geain lea sámegiella fágan, dadjá Guvsám gii lea Sámedikki Fuolahan-, bajásšaddan ja oahpahuslávdegottis.

Lonohallanortnet

– Ollu ohppiin lea fága mas deattuhuvvo sámi sisdoallu dahje sámegiellaoahpahus dárbbašit eanet oahpahusarenaid. Danin leat evttohan lonohallanortnega Sápmái nu ahte ohppiidjoavkkut sáhttet searvat oahppomátkkiide ja ekskuršuvnnaide fágalaš sisdoaluin, dadjá Guvsám. – Dieđan ahte lea stuorra dárbu dákkár doarjagii, joatká Guvsám gii doaivu oažžut eanetlogu evttohussii. –Dát lea ortnet mii boahtá mearkkašit ollu ovttaskas oahppái. Vuoruhat 400.000 ruvnnuin  dán ortnegii.  

NuorajTV

Bušeahtaševttohusas lea maid NSR evttohan doarjut NuorajTV. NuorajTV lea lullisámi nuoraid ja nuoraid várás YouTube-kanála. – Háliidat doarjut NuorajTV danin go lea dehálaš lullisámi mediafálaldahkii nuoraide. NuorajTV lea nuppi bealis erenoamášsivas go nuorat ieža leat álggahan ásahit dán mediafálaldaga. Oaivvildat lea dehálaš doarjut dán, ja evttohat bušeahtas 100.000 NuorajTV:i, loahpaha Guvsám. 

-------

På norsk / darogilli