Buorre jahkkečoahkkin, čoahkkinjođiheaddjit,

De mii leat fas čoahkkanan deike riikačoahkkimii. Riikačoahkkin lea NSRa deháleamos orgána ja čoahkkananbáiki. Deike mii čoahkkanit, oaidnalit, gávnnadit, juogadit, oahppat. Dáppe mii hutkát ođđa jurdagiid, mii hutkat vugiid dustet ođđáhástálusaid ja ođđa vugiid dustet otnáš hástalusaid

Deike mii boahtit čohkket fámuid joatkit min dehalaš barggu!

Nugo lea gullon odne ja ikte dás sárdnestuolus de leat NSRashástálusát.Okta mii lea gullon dán sárdnestuolus ikte ja odne, lea mot NSR ja báikkálaš searvvit galget bargat. Leago organisašuvnnaid áigi vássan, go olu man ovddas mii leat ovdalrahčán leat dál mii nagodan oažžut sadjái ja leat doaimmas servvodagas?

Ii leat vássán, nuorain leat fal hui olu fálaldagat muhto vásáhus lea aŋgge ahte nuorat ohcet ha ohcálitvelolašvuođaid leahkit mieldeja váikkuheame ja bargat sámi servvodaga ovddas.Leat olu guovllut gos lea ain dehalaš bargat sámi kultuvrrain ja gos nuoraid ohcet identitehta. Leat guovllut gos fas lea nanu fálaldat ja olbmot orrot duhtavaččat vaikko ieža jurddašit vare diet livččii nie ja nie. Oaidnit ovdamearkka dan vuostilasvuođas mii lea suodjalanguovlluid ásaheami vuosta, olbmot eai dieđe árvvu ovdal go leat massime dan.

Mii diehtit ahte mii nuorat beroštit sámi servvodagas.

Dan oaidnit das ahte sámi nuorat norggabealde leat ožžon Nuoereh! Searvvi, ja ruoššabealde leat garrasit bargan ásahandihte nuoraide searvvi ja diibma čakčat asahuvaige Sámi Nuresh-searvi. Sáminuorra searvi ruoŧabealdelassanitahtlassanitmielláhttut. Nuorat áŋgiruššet servvodagas, nuorat leat njunnožis eanaš servvodatbeliin. Nuorat leat riikadásis musihkkarat, čeahpes ja ođasmáhtti duojárat, lávdedáiddárat, dovddus valaštallitja muđuin servvodagas ja bargguin oidnosis. Nuorat gazzet oahpuid maiguin besset servvodagas bargat.

Oktasaš dasa lea ahte mis lea vejolašvuohta oaidnit, oahppat ja bargatdaiguin iešguđet doaimmaiguin. Dat vejolašvuohta leage dehalaš. Oaidnit, oahppat ja bargat ja dan vejolašvuođa lea dehálaš ahte NSR adda nuoraide. Vejolašvuođa váikkuhit servvodaga NSRačađá.

Mis lea NSRas nuoraidlávdegoddi ja mis leat ovddasteaddjit Sámedikki nuoraidpolitihkkalaš lávdegottis mii bargananusmahttit nuoraid váikkuhusa Sámedikki politihkkii. Nuorat leat politihkas ja organisašuvnnaid, muhto lea čađat dehálaš oahpahit ja oažžut eanet olbmuid politihkkii ja organisašuvnnaide ja áinnas njunušmannin. Mii fertet beassat oahppat sis geat leat bargan sámi servvodagas. Ja dat lehpet dii.

NSRaSámedikkejoavku leage váldán miigguin oktavuođa ásáhittrainee-orddnega gos nuorat besset čuovvut sin Sámedikkis ja oaidnit mot sii barget politihkas Sámedikkis.Dat vejolašvuohta čuovvut politihka nu lahka lea dehalaš oahppu nuoraide, ja datsoaitaildetmin nu ahte mii mearridit: “sámipolitihkkarin mun hálidan.

Váikkuhageaidnu, oahppat mot bargat politihkáin, mot organisašuvnnain, mot kultuvrra ovddidit, dat lea dehalaš ja das lea mearkkašupmi. Oaidnibehtet man dehálaččat NSR álggahuvvon doaimmat leat šaddan guovlluide das ahte čalmmustahttitsámivuođa. Ovdamearkkat leat Márkumeannu, Riddu Riđđu, mánáidgárddit ja giellaguovddážat. Báikkálaš searvvit maid. Doppe gávdnet nuorat gullevašvuođa.

Mii leat bidján doaibmaplánii

- Nuorat galget oassalastit oahpaheamis ja kurssáin maid NSR lágida mat ráhkkánuhttet nuoraid boahttevaš politihkkalaš bargui NSRas.

- Nuorat galget oahppat ja hárjánit media dustet ja media čađa bargat.

Dat lea fálaldat ja vejolašvuohta maid NSR sáhttá addit nuoraide. NSR ferte hástit nuoraid searvat NSR doaimmaide. NSR ferte oažžut nuoraid mielde politihkkii organisašuvnnas, báikkis, Sámedikkis, ja riikaidgaskkasaš dásis. Mii leat vuođđun NSRa joatkevaš bargui.

Leage dehalaš ahte oažžut nuoraid njunnožii sámi servviide.

Ferte álggahuvvot nuoraidlávdegottiid báikkáláš servviide dan nammii ahte sii ohppet organisašuvdnabarggu. Oahpahit min mot bargat politihkáin, mot boahtteáiggis jođihit báikálášservviid ja doaimmáid ja mot guovllu áššiiguin bargat.Movttidahttit nuoraid bargat politihkain báikkiin, Sámedikkis ja riikaidgaskasaččat.

Mii fertet nannet organisašuvnna barggu, nannet politihkkema ja nannet kulturbarggu. Sihkkarastit ahte boahteáiggis bargojuvvo sámi servvodaga ovddas nugo odne ja nugo dássážii lea bargojuvvon.

Ođđáfámuinguin bohtet ođđá jurdagat ja áššit ja ođđá návccat bargat daiguin.Ođđa navccat joatkit barggu maid diehtit ferte ollesáiggi gozihit nu guhká go leat unnitlogus, dego rievtti oahppat ja geavahit sámegiela.

Dáppe jahkkečoahkkimis mii dál čohkket fámuid. Mii NSR nuoraidlávdegottis illudit dálođđá áigodagas bargagoahtit nuoraidáššiiguin ja oahppát dis.

Borret Slowfood!

Giitu!