RSS-feed

Velg språk!

Utskriftsvennlig versjon Vuorodit sáme mannoæládusáv!
Miriam Paulsen le VSR/NSRa 2.ájrasassá Sámediggáj, Viestarmera válggabijran.
- Ávvudáhttá muv gå Hamsuna Duobddága Mannoæládussiebrre  nanni mannoæládusá åvddånimbargos Hábmera, Stájgo, Oarjjefuolda ja Divtasvuona suohkanijn. Dán aktavuodan le ájnas sáme mannoæládusá máhttelisvuodajt aj guoradallat, javllá sámediggeájras Miriam Paulsen (NSR).

Almmuhuvvon: 07.09.2009

- Vuostak hásstal dát sámijt ietjasa, gå mannoæládus le ulmutjij duogen ma sihti. Dárbbo le de sierra dåjmajda gávnatjit ulmutjijt gudi berusti ja láhtjet dilijt máhttolåpptimij ja viddnudakásádimijda. Gåk iehtjáda sámijt gehtjadi, vájkkut hájn jus sáme bájkkálattjat sihti sámevuodasa bigodit ja sáme iesjdåbdov tjalmostahttet. Guosská aj mannoæladussaj jus hálijdip sáme kultuvrav mánnoæládussan åvdedit. Vieledit sáme kultuvrav le dan diehti ájnas gå mannoæládussiebrre bargos joarkká. Mannoæládusán le máhttelisvuoda ja áigov barggat vaj Sámedigge sæbrrá, javllá sámediggeájras Miriam Paulsen (VSR/NSR), Divtasvuonas.

- Sámedikken le árvvodagádusprográmma mij aj mannoæládusáv loavddá. Vierddip dal guoradallagoahtet makkár máhttelisvuoda Sálto- ja Ofuohtáguovlon gávnnuji ja dajt åvdedit. Vuorbástuvátjit, de vierttiji priváhta berustiddje, mannoæládusorgánisasjåvnå ja oajvválattja guojmmevuodan barggat. Dan diehti hasodav Hamsuna Duobddága Mannoæládussiebrev, Nordlánda Mannoæládussiebrev, Nordlánda fylkkasuohkanav ja Sámedikkev seminárav ásadit sáme mannoæládusá birra. Seminárra luluj aj vuostasj lávkken doajmmat vaj berustiddje sáme máhtálulun aktisasj sadjáj tjåhkanit ja danna ájálvisájt ja åtsådallamijt lånudit ja aktisattat ássjij bargat degu máhttolåpptimijn ja vuobddemjådedimijn, låhpat Paulsen.  

Hamsuna Duobddága Mannoæládussiebre (Reiseliv i Hamsuns Rike) mannoæládusá bargo vuodo le 2006 Mimir diedádus. Danna tjielgaduváj gåk guovlo mannoæládus lulu åvdeduvvat. Árvvaluvvin niellja vuorodimsuorge, namálattjat: Hamsun, sámevuohta, Stájgo kulturmujto ja luonnduj gulluvasj vásádusá. Dán vuodo nanna tjadáduvvá dálla tjuovvoprosjækta “bágojs dagojda” mij dættov viddnudagájda ja daj ålgoldisævtojda biedjá. 

Viestarmerra

På norsk/dárroi





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S