Beroštupmi sámegillii ja sámi kultuvrii lea lassánan maŋimuš jagiid Mátta-Várjjaga gielddas. Ollu oahppit leat válljen sámegieloahpahusa skuvllas. Dán positiivva ovdáneami olis maid Mátta-Várjjat lea vásihan, lea ásahuvvon sámi ossodat ovtta gieldda mánáidgárddiin. Sámegiela oahpahus rávis olbmuide lea fállojuvvon dáláš oahppoinstitušuvnnaid bokte, muhto ii leamaš bistevaš fálaldat iige čuovvoleapmi kurssaid oassálastiide.
Dát mielddisbuktá earret eará dan ahte oassi Mátta-Várjjaga sámi álbmogis, geat eai leat sámegiel hállit, eai sáhte geavahišgoahtit giela, ja nu bohtet váikkuhusat mánáide geain lea sámegiella mánáidgárddis dahje skuvllas. Sámegiella gáržžiduvvo vieris giellan, mii dušše geavahuvvo skuvllas dahje mánáidgárddis. Giellaarena ásaheapmi Mátta-Várjjagis lea hui dehálaš vai sámegiella ja sámi kultuvra seailluhuvvo ja viidásat ovddiduvvo.
Čoahkkebáiki ja kulturguovddáš
Giellaarenat maid mii dovdat ovddežis leat sámi giellaguovddážat. Sámi giellaguovddáža ásaheapmi Mátta-Várjjagis čohkkešii dán guovllu sámegiela fágamáhtu. Vásáhusat eará sámi giellaguovddážiin čájehit, ahte giellaguovddáš sáhttá maid doaibmat čoahkkinbáikin ja kulturguovddážin sámiide.
Girkonjárgii lunddolaš ásahit
Mátta-Várjjaga gielda lea luomus gielda gos Girkonjárga lea gávpotguovddáš, birra leat sámi gilit stuorra geográfalaš guovllus Reaisavuonas ja Njávdámis oarjjabealde, Ruovdevutnii nuorttabealde ja Báhčaveadjái máttabealde. Go ovtta gilis lea sámegiel fálaldat ja/dahje sámi kulturfálaldat, de dat ii govčča olles gieldda ássiid dárbbu.
Sámediggi ferte váldit ovddasvástádusa
Sámediggi ferte váldit ovddasvástádusa sihkkarastit ja ovdánahttit dán positiiva sámegiela ovdáneami mii lea Mátta-Várjjagis. NSR sámediggejoavku oaivvilda ahte berre ásahuvvot sámi giellaguovddáš Mátta-Várjjaga gildii. Dán sáhtašii dahkat ovdamearkkadihttiid dan láhkai ahte nanne Isak Saba guovddáža Unjárggas ja ásahit dan regionála giellaguovddážin Várjjagis. Das viidásat sáhtašii bidjat johtui ovdaprošeavtta ásahan dihte Sámi giellaguovddáža Mátta-Várjjagii ja vejolaš eará gielddaide Várjjaga guovllus.
Denne artikkelen på norsk.
NSR/SáB válgalistu Nuortaguovllu válgabiires.
Kommenter denne artikkelen
Tips en venn Gå tilbake