Doarjagiid juohkimis leat deattuhuvvon prošeavttat mat gusket automáhtalaččat ráfáidahttojuvvon sámi kulturmuittuid ja kulturbirrasa registreremii, ja prošeavttaide mat gusket áitojuvvon sámi kulturmuittuid sihkkarastimii ja ođasteapmái.
Hedemárkkus Detnui
Sámediggi lea juolludan doarjaga prošeavttaide miehtá Sámi Deanu rájes davveoarjin gitta Hedemárkku rádjai máddin.
Doarjjastivrra jođiheaddji Ann Mari Thomassen lea hui duhtavaš daiguin prošeavttaiguin mat leat ožžon doarjaga, sihke prošeavttaid fágalaš sisdoalu ja geográfalaš viidodaga dáfus. - Sámi kulturmuittut leat sámi historjjá deaŧalaš duođaštanávdnasat ja sámi kulturmuittuid registrerema, ođasteami ja sihkkarastima bokte váikkuhit mii seammás dan ahte sámi kultuvra ja identitehta oainnusin dahkkojuvvo, nannejuvvo ja viidáset ovddiduvvo, dadjá Thomassen.
Nanne sámi dihtomielalašvuođa
Son čujuha viidáseappot ahte illudahttá hui sakka dat go maiddái prošeavttaide guhkkelis máddelis nugo Hedemárkkus lea addojuvvon doarjja, go doarjja lea addojuvvon sámi kulturmuittuid registreremii Forollhogna álbmotmeahcis, mii guoskkaha guhtta gieldda Hedemárkkus ja Mátta-Trøndelagas.
- Dán lágan prošeavttat sáhttet nannet kultuvrralaš dihtomielalašvuođa mii dáhpáhuvvá Sámis máddeleamos osiin, dadjá Thomassen.
Dasto lea addojuvvon doarjja maiddái fierbmeáitti ja dimbbarviesu ođasteapmái Deanu gielddas, ja náveha ođasteapmái Gáivuona suohkanis.
Sámediggi
Sámi máhttu kulturmuitofoanddas
Birasgáhtten ja kultuvrasuodjaleampmi Sámediggis
Denne teksten på norsk
Kommenter denne artikkelen
Tips en venn Gå tilbake