RSS-feed

Velg språk!

Utskriftsvennlig versjon Rámida čeahpes nuoraid
Silje Muotka (NSR)
Ráissa joatkkaskuvlla nuoraidfitnodat “Ráissa UB” lea Norggameašttir gilvvohallamiin vuoitán bálkkašumiid danne go lea buorre nuoraidfitnodat ja danne go leat ráhkadan buriid buktagiid. - Nu čeahpit, rámida Silje Muotka (NSR).

Almmuhuvvon: 05.05.2009

Silje Karine Muotka, gii lea NSR 1. evttohas Davveguovllu válgabiires, oaivvilda ahte eambbo skuvllat galggašedje bargat nu movt skuvllat Davviguovllu válgabiires.

– Mu mielas lea máilmmi somá go Ráissa joatkkaskuvla lea nu bures birgen, ja čájehan ahte sis leat seamma  čeahpes nuoraidfitnodagat go eará sajiin Norggas. Ráissa nuoraidfitnodat lea ráhkadan báikkálaš buktaga, ja danne lea ge várra mannan nu bures. Muotka lohká suohtas gullat, ahte diŋgojumit leat boahtán gitta USAs.

– Muittuhan ahte dákkár nuoraidfitnodagat sáhttet šaddat “albma fitnodahkan”, cealká Muotka ja namuha “Huui” nammasaš fitnodaga maid Ragnhild Dalheim Eriksen (Riddu Riđđu festiválajođiheaddji) ja Therese Lindseth leaba álggahan.

 Rámiida Ráissa joatkkaskuvla

- NSR lea cealkán ahte sámi oaidnu ferte leat mielde skuvllaid álggaheaddjeoahpus. Dalá sámediggepresideanta Aili Keskitalo celkkii dán Sámedikki nuoraidkonferánssas 2006 “Funky Business”, mas sámi nuorat ságastalle fitnodatálggahemiid birra. Dán barggu ferte Sámediggi ain čalmmustahttit, oaivvilda Muotka, Davviguovllu válgabiire 1. evttohas.

- Ráissa joatkkaskuvla lea guhká leamaš sámi resursakuvla, ja mun rámiidan sihke oahpaheddjiin ja ohppiid ja skuvlla jođiheddjiid go barget dákkár buori barggu sihke sámegielain, sámi fáttáiguin ja sámi fitnodatálggahemiiguin, cealká Muotka.

Boahtteáiggi ealáhusovdáneapmi

Hui mávssolaš álggahit dakkár fitnodagaid mat heivejit juohke báikki árbevieruide ja resurssaide, cealká Muotka. – Go nuorat hárjánit álggahit fitnodagaid, de sii sáhttet ássat báikegottiin boaittobealbáikkiin ja bargat iežaset ealáhusaiguin. Ihttá beaivvi fitnodatjođiheaddjit álggahit fitnodagaid dál! Dábálaččat álggahit dušše 4% nuorat iežaset fitnodaga. Muhto, Muotka muitala ahte 20% dain nuorain, geat skuvllas leat oahppan álggahit fitnodagaid “Nuorra álggaheddjiid” (Ungt entreprenørskap) prošeavttaid bokte, sii duođas álggahit iežaset fitnodaga dađistaga go leat geargan skuvllaid vázzimis.

Silje Muotka lea NSR vuosttaševttohas Davviguovllu válgabiires.

Álggaheddjiid birra lea eambbo dieđut www.ue.no

Ilus go duodjefálaldat Ráissas bisuhuvvo

Denne teksten på norsk/dárogillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S