Bargu davviriikkalaš sámekonvenšuvnna ektui lea áddjánan, ja leamašan eahpesihkarvuođat áigu go Suopma ain oasálastit barggus. Otne goit mearriduvvui ahte konvenšuvdnaproseassa joatkašuvvá Norgga jođiheami vuolde jagis 2009. Galgá guorahallojuvvot mo vejolaš konvenšuvdnašiehtadallamat berrejit duohtavuođas čađahuvvot.
Aili: - Illudahtti!
- Dát leat illudahtti ođđasat. Lean ilus go sámekonvenšuvdnaproseassa joatkašuvvá, ja mus lea doaivva ahte ii mana beare guhkes áigi ovdal go bohtet ovttamielalašvuhtii. Oaivvildan sámekonvenšuvdna dán rádjai lea ovtta dain deháleamos sámepolitihkalaš reaidduin, cealká NSR presideantaevttohas Aili Keskitalo.
Heivehit sámi rivttiid
Ulbmil konvenšuvnnain gaskal Suoma, Norgga ja Ruoŧa lea ráhkadit oktasaš heiveheami sámi rivttiid ektui davviriikkalaččat. Jurdda lea ahte konvenšuvnnas galget leat mearrádusat earret eará sámi iešmearrideami ektui, ovttasbargu gaskal sámedikkiid ja stáhtaid, sámiid gielalaš ja kultuvrralaš vuoigatvuođaid ja ealáhusaid ektui.
Kommenter denne artikkelen
Tips en venn Gå tilbake