| 
Sámekonfereansa lea sákka vuorjašuvvan Davviriikkalaš Samekonvenšuvnna ovdáneami ektui. Konfereansa lea dál mielas šiehtadallagoahttit konvenšuvnna sisdoalu ektui, vuoi boađašii ovttamielatvuohta.
Almmuhuvvon: 07.11.2008
- Sámekonfereansa vuorrástuvvá go Suopma, Norga ja Ruoŧŧa eai leat bastán maidege dahkat Sámekonvenšuvnna evttohussii, vaikko leat golbma jagi áigi go álmmuhuvvui.
- Sámekonfereansa lea earenomážit vuorrástuvván go Suopma lea aitto cealkán ahte plánejit geassádit proseassas mas mihttu lea ratifiseret Sámekonvenšuvnna.
- Sámekonfereansa ávžžuha Suoma ain joatkit Sámekonvenšuvdnaproseassas, ja ahte dat golbma ráđđehusat ja Sámedikkit dalán nammadit ráđđádallanjoavkku mii sáhttá heivehit jođánis ratifiserema Sámekonvenšuvnnas.
Buorre vuođđu
Sámiid 19. konfereansa, čoahkkanan Roavvenjárgii, Suomas golggotmánu 29-31.beivviid 2008, atná buorrin Davviriikalaš sámekonvenšuvnna evttohusa, man ovttajienalaš áššedovdijoavku ovdanbuvttii golggotmánus 2005. Áššedovdijoavkkus ledje ovddasteaddjit ráđđehusain ja Suoma, Norgga ja Ruoŧa sámedikkiin. Konfereansa lea giitevaš áššedovdijovkui go leat buktán konvenšuvdnačállaga mii lea dassái, konsekveanta ja čuovvu riikkaidgaskasaš rievtti, nu mo boahtá ovdán ee. easkka dohkkehuvvon ON julggáštusas álgoálbmogiid rivttiid birra.
Sámekonfereansa atná earenomáš dehálažžan dan guokte vuođđoášši mat leat Sámekonvenšuvnna vuođđun;
- dohkkehit sápmelaččaid vuođđorievtti álgoálbmogin ja eamiássin min árbevirolaš guovlluin, ja
- buoremus lágiin geahpedit daid vahágiid mat bohtet das ahte árbevirolaš sámi guovllut leat juhkkojuvvon riikarájiiguin njealji riikii.
Geatnegahtton dohkkehit konvenšuvnna
Sámekonvenšuvdna bidjá vuolemusstandárddaid maid stáhtat fertejit dohkkehit jus sámi álbmot galggaš beassat seailluhit ja ovddidit sin oktasaš gullevašvuođa álbmogin, maiddái riikkaidgaskasaččat. Sámekonvenšuvnna ratifiserema bokte stáhtat ollášuhttet sin lohpádusa dahkat vejolažžan sápmelaččaide seailluhit ja ovddidit oktavuođaid ja ovttasbarggu riikkaidgaskasaččat, nu mot boahtá ovdán Artihkal 36’as ON deklarašuvnnas álgoálbmogiid rivttiid birra. Buot davviriikkat dorjo Álgoálbmotdeklarašuvnna ratifiserema, ja leat lohpidan árvvusatnit dan. Daid ákkaid geažil leat stáhtat geatnegahtton ratifiseret Sámekonvenšuvnna stajitkeahttá.
Olles konvenšuvnna sáhtat lohkat dás.
NSR gulaskuddancealkámuša Sámekonvenšuvnna ektui sáhtat lohkat dás.
Kommenter denne artikkelen
Tips en venn Gå tilbake
|
|
- Bokep Online Fardad
- På tide å oppdatere?
- cuhRbaCCgbGvKR
- Tøffa govva!
|
|