Muotka álggahii sártni geahcadettiin ma?ás 40 jagi.

- Mii leat coahkkanan deike doallat NSR njealljelogát riikkacoahkkima. Mun lean rámis go beassat doallat riikkacoahkkima dáppe Guovdageainnus.

Guovdageainnu servodagas gullo sámegiella ja dáppe leat sámi árbevierut ja ealáhusat oidnosis.

Mun lean veaháš cuvvon mielde movt Guovdageainnu servodat lea ovdánan ma?emus jagiid. Dáppe leat duostan ságastallat váttis áššiid birra, ja hui bures bargan ovddaguvlui ja ovdánahttán servodaga.

Okta ásaheaddji lea delegáhtta

Mun áiggun veaháš hállat doaivaga birra ja jáhku birra. Dat guoktenuppelohkái olbmo geat coahkkanedje ásahit organisašuvnna njealljelogi jagi dassái, sis lei sihke doaivva ja jáhkku  hábmet buoret boahtteáiggi sámiide.

Dat guoktenuppelohkái olbmo, geat coahkkanedje deike Guovdageidnui skábmamánu 30. beaivvi guhttalogi-gávccis, sii gehcce ovddasguvlui go ásahedje Norgga Sámiid Riikkasearvvi.

Sii geat ledje mielde ásaheamen organisašuvnna ledje sámi servodatberošteaddjit ja pionerat. Sii barge má?ga jagi sámi servodaga ovddas. Mun lean hui giitevaš go njeallje ásaheaddji leat boahtimin deike ávvudanriikkacoahkkimii, namalassii Hans Ándde Hánsa, Lemet Lemet Edel, Máhte Dánela Odd Máhtte ja Áillu Mihkkal ja Lemet Lemet Edel lea juo boahtán ja son lea Guovdageainnu sámiid searvvi delegáhtta.

Eaktodáhtolaš árjjálaš barggut

Dát lea erenoamáš riikkacoahkkin má?gga dáfus. Mii fertet geahccat ma?ás ja mii fertet smiehttat maid mii leat bargamin dál ja mii fertet geahccat ovddasguvlui. Mii leat má?ga jagi organiseren min barggu ja rievdadan min iežamet dili ja min servodaga.

Min báikkálaš searvvit barget sámi kultuvrra ovddas ja lágidit sihke kurssaid, sámi festiválaid ja kulturdoaimmaid mat álo leat leamaš deháleamos bargu NSRs. Báikkálaš searvvit leat bargan hui ollu bargguid ja mun diedán ahte báikkálaš searvvit leat hui mávssolaccat.

Riekta guoddit fámu

Na, mannan háve go mii deaivvadeimmet, de leimmet Bådåddjås. Ja ollu lea dáhpáhuvvan dan rájes. Mii leat stivren Sámedikki gávccinuppelohkái jagi, ja de šattai nu ahte mii fertiimet addit stivrejumi earáide. Earát leat dál stivremin Sámedikki.

Mii eat háliidan ahte nu galggai geavvat, muhto lei goittotge riekta guoddit fámu dán háve.

NSR ipmirda ahte mis fertejit leat buorit aliánssat jos mii galgat nagodit oažžut cada min oainnu. Ja mii ipmirdeimmet ahte mii fertiimet smiehttat oppalaccat ja jurddašallat buohkaid birra dán áššis. Mis lei eanetlogu alliánsa maid mii ráhkadeimmet guokteduhát vidas. Muhto dan eanetlogu aliánssas ii lean seammá áddejupmi. Dadibahábut. Ja mii eat nagodan doallat dan aliánssa.

Aili duostilis politihkkár

Aili Keskitalo lei sihke duostil ja jállu go cájehii ahte NSR duodaid háliida stivret Sámedikki buoremus lági mielde. Sámediggejoavku geahccalii ovtta olbmo listtuiguin hállat ja geahccalii Bargiidbellodagain hállat. Muhto, ii lean vejolaš gávdnat buori eanetlogu.

NSR lea dál bargan opposišuvnnas ja mu mielas Keskitalo ja sámediggejoavku leat bargan hui buori barggu sihke posišunnas ja opposišuvnnas.

Na, olles NSR lea bargan buori barggu. Mii máhttit bargat vaikko man váttis dilli lea, ja vaikko áššit muhtomin mannet min vuostá, de mii bargat sámi áššiid ovddas olles áiggi.

Gos Bargiidbellodaga iešmearrideapmi?

NSR vuoddojurdda lea ahte sámit ieš galget organiseret sámi áššiid. Mii leat váldán ovddasvástádusa ja mii leat hábmemin boahtteáiggi ja ráhkadeamen politihka. Muhto dat ii leat diehttelas ášši.

Dán riikkacoahkkimis mii galgat divaštallat iešmearrideami.

Fuomášehket fal ahte Bargiidbellodaga sámediggeráddi lea evttohan sirret sámeradio eret NRKas ja ásahit sierra mediaásahusa. Eamiálbmot-julgaštusas cuožžu ahte eamiálbmogiin lea vuoigatvuohta friddja mediaásahusaide ja juste dan oktavuodas lea váttis ahte NRK prográmmadirektevra lea kringkastings-hoavdda bálva.

Muhto, mun eahpidan ahte Bargiidbellodaga sámediggejoavku bargá sámi iešmearrideami ovddas iežas organisašuvnnas.  Gii mearrida Bargiidbellodaga sámepolitihka?

Mii leat oaidnán medias ahte Bargiidbellodaga bellodatustit falleha nuppi bellodatustiba. Lea go Olli ja su joavku geat mearridit, vai lea go sámepolitihkalaš forum mii mearrida Bargiidbellodaga sámepolitihka? Vai lea go nu ahte dat lea sentralstivra vai fylkkasátnjodiheaddji vai fylkkasearvvi sjeaffa mii mearrida?

Mii sámit fertet iežamet organiseret

Ja maid mearkkaša eamiálbmotjulggaštusa iešmearridan paragráfa sámi servodaga demokratiijai?
Na, dat mearkkaša ahte mii ieža fertet organiseret iežamet – ieš buktit ovdan áššiid – ieš mearridit daid Sámedikkis vai sámi álbmotstivrejupmi šaddá duohtavuohta, amanu?

NSR áin váldá ovddasvástádusa

Dásá mii NSRs jáhkkit. Ja mun doaivvun ja sávan ahte NSR fas beasašii posišuvdnii Sámedikkis boahtte válggas.

Njealljelogi jagi mii leat cájehan ahte mii nagodit bargat. Mii jurddašit odda jurdagiid. Ja mii dahkat min jurdagiid duohtan.  Mii fertet bargat min álbmoga ovddas vai sii luhttet midjiide. Mii máhttit váldit ovddasvástádusa ja mii galgat ain váldit ovddasvástádusa ovddasguvlui.

Jáhkku boahtteáigái

Buohkat, mii geat leat coahkkanan deike, mii jáhkkit ahte boahtteáiggi sáhttá hábmet. Mii leat árben buriid bargodábiid ja daid mii galgat váldit fárrui boahtteáigái.
 
Riikkastivrras lea skea?ka NSRii njealljelogi jagi ávvudeamis. Mii leat digitaliseren (cállán dihtorii) buot resolušuvnnaid maid mii leat mearridan juohke jagi - njealljelogi jagi, ja mii leat almmuhan ovtta stuorra fiilla min interneahttasiidui. Dii sáhttibehtet lohkat cealkámušaid ja doppe oidnojit ollu sávaldagaid ja ollu ulbmilat.

Dán coahkkimis mii galgat:

• mearridit válgaprográmma
• válljet presideanta kandidáhta
• válljet odda jodiheaddji
• ságastallat iešmearrideami birra
• mearridit biraspolitihkalaš prográmma

Mun sávan buohkaide ollu lihkku ságastallamiiguin!

Giitu!