Aili lea maid ovdalis evttohuvvon NSR presideantakandidáhtan boahttevaš sámediggeválggain.
Válgalávdegottis movttegat
- Ollugat organisašuvnnas leat háliidan organiseret iežamet jođiheami nu ahte seamma olmmoš lea sihke jođiheaddji ja presideantakandidáhtan. Dárkilis veardidemiid vuođul leat mii válgalávdegottis ge gávnnahan ahte dát lea buoremus čoavddus. Mii leat danin hui movttegat go Aili Keskitalo lea mieđihan guktuid luohttámušdoaimmaid váldit badjelasas. Mii jáhkkit son šaddá hui buorre jođiheaddjin midjiide, cealká Áile Jávo, NSR válgalávdegotti jođiheaddji.
Riikkačoahkkin mearrida
Aili Keskitalo, r. 29.10.68, lea lohkan almmolaš hálddašan mastergráda Copenhagen business schoolas. Keskitalo lea náitalan, leat golbma mánát ja ássá Guovdageainnus. Son lea ovdalis jođihan NSRa, áigodagas 2003-2005, ja válljejuvvui vuosttaš nisson sámediggepresideantan jagis 2005. Lea NSR riikkačoahkkin, mii lágiduvvo Guovdageainnus golggotmánu 24.-25. beivviid 2008, mii loahpalaččat mearrida gii galgá leat ođđa jođiheaddjin Norgga Sámiid Riikkasearvvis.
Kommenter denne artikkelen
Tips en venn Gå tilbake