Synnøve muitalii ahte son mannan vahkus lohken ovtta lohkkireivve maid muhtun eadni lei čállán sámeohppiid skuvladili birra. Dát váhnen čálii ahte su mánná ii leat ožžon oahpahusa sámegillii buot fágain vaikko son vázzá skuvlla Guovdageainnus.
Kárášjoga nuoraidskuvlla oahppi Saja Stueng fas muitalii dálvit mediaide ahte skuvla dahká ohppiid oahppováillagin ja ahte son ii šat dohkket ahte skuvla dávjá vállje dárogiela sámegiela sadjái.
Sámegiella vuoittohallá
- Dát guokte ovdamearkka čájehit ahte eai guovddáš sámi báikkiin ge oaččo oahppit oahpahusa sámegillii beroškeahttá oahpahuslágas mii addá vuoigatvuođa oahpahussii sámegielas ja sámegillii. Oahpahus sámegillii ii leat dušše oahpponeavvuid duohken, deattuhii Solbakken-Härkönen.
- Orru leamen nu ahte mađe boarrásat oahppit šaddet, dađi unnit oahpahus addo sámegillii. Min vuođđoskuvla doaibmá giellamolsunprinsihpaid mielde dál. Go dárogiella lea doarvái nanus, de ii šat vuoruhuvvo oahpahus sámegillii. Maid dát muitala ohppiide sámegiela birra? Jo, ahte sámegielas ii leat seamma árvu go dárogielas, jotkkii Solbakken-Härkönen.
Dás lea sáhka sihke ohppiid ja sámegiela boahtteáiggis. Synnøve jearai ge sámediggeráđis maid sii áigut bargat dainna diliin?
Badjelgeahččanvuohta?
Dasto muitalii sámediggeáirras Solbakken-Härkönen fearána Saja Stuengas gii ođđajagimanus čálii reivve skuvlladilis birra ja dáhtui veahki sihke sámi ja dáža skuvlaeiseválddiin. Dán reivve sáddii maiddái Sámediggái – 4 manu dassá.
- Hállen suinna ikte ja son muitalii ahte ii leat vel ožžon vástádusa Sámedikkis. Mánáidáittardeaddjis lei boahtán vástádus jo golbma manu dassá. Dát gal lea heahpat, beaškalii Solbakken-Härkönen sárdnestuolus.
Denne artikkelen på norsk
Kommenter denne artikkelen
Tips en venn Gå tilbake