Mannan jagi oinniimet ahte ain leat báhcán dásseárvobarggut. Ovdamearkka dihte rasisttalaš anonymas reivvet maid SG-politihkkár Elin Henriksen oaccui gieskat.
Guolástusministara cielahan
Riddo- ja guolástusministtar Helga Pedersen lei nubbi gii cielahuvvui sápmelažžan go Ovddádusbellodaga stuorradiggeáirras Jan Henrik Fredriksen cuoccuhii Helga leat vikkahan riddoguolástuslávdegotti barggu iežas miela mielde. Fredriksen cuoccuhii diekkáriid vaikko riddoguolástuslávdegoddi evttoha buot finnmárkulaccaide vuoigatvuodaid bivdit, cearddalaš duogážis sorjjakeahttá.
Cáhppes olbmuid fallehan
Rasisttalaš dáhpáhusat leat maiddai dáhpáhuvvan dácca servodagas. Guokte nuorra albmá Álttás falleheigga Dhew-bearraša. Soai navddiiga iežaska leat oddanazisttat ja áigguiga goddit buot cáhppes olbmuid.
Mu mielas lei buorre vázzit spáiddarvázzimis rasismma vuostá. Alta- servodat gusto berošta.
Omegas turisttat ožžo goddináitagiid liikeivnni dihte. Lihkus soames boradanbáiki olbmot hehttejedje vearredagu dáhpáhuvvamis. Altapostenis cilgii son, guhte lei áitán, ahte “ii lean áigon áitit sisafárrejeddjiid gal, muhto baicce lei nu suhttan sápmelaccaide”. Báikkálaš aviisa lea maid muitalan ahte dorvoohcciide illá oskkildit bá?kukontto ja bá?kukoartta.
Skuvla goit heiveha doaimmaid
Dásseárvogažaldat orru leamen báhkka ja áigeguovdil. Olbmot leat má?ggaláganat, muhto ii nubbi leat dan dihte bajábealde nuppi.
Olbmot leat dássálaga ja sis lea seammá árvu. Dan mii fertet áddet.
Norgga skuvla heiveha oahpahusa. Skuvla lea servodagas hui dehálaš ja skuvla ipmirda ahte ii buotlágan oahpahus heive buohkaide. Nie mii fertet sámi gažaldagaiguin bargat, njeallje riikkas. Dakkár ášši mii heive majoritehta álbmogii, ii heive álo unnitlogu álbmogii. Mii fertet ovttas áddet dán ja heivehit organiseret servodaga dan mielde. Finnmárkkuopmodat lea ásahus mas mii ovttas geahccalit gávdnan ja heivehit covdosiid.
EDL berre rievdadit nama
Makkárson dat EDL jahkecoahkkincealkámušat leat. Lea go dásseárvu duodaid EDL jahkecoahkkimis ášši? Mu oainnu mielde sii berrejit ságastallat dásseárvvu birra. Sii berrejit bargat vel eambbo áššiiguin go dušše sámi vuoigatvuodaid vuostá bargat. Jos eai daga dan, de berrejit várra rievdadit organisašuvnna nama.
De sii oainnat eai bargga “dásseárvuin” muhto “eanetlogu vuoigatvuodaiguin”.
Gulahallanolmmoš:
NSR-leder Silje Karine Muotka, mobil 98487576
Denne artikkelen på norsk
Kommenter denne artikkelen
Tips en venn Gå tilbake